Í myndbandinu má sjá að lítill kolkrabbi hefur gert sig heimakæran í plastglasi í sjónum. Kafarinn reynir að sannfæra kolkrabbann um að flytja sig yfir í skel sem er mun betur í stakk búin en plastglasið til að verja kolkrabbann fyrir komandi rándýrum. „Við eyddum heillri köfun og mest öllum súrefnisbirgðunum okkar við það að bjarga kolkrabbanum frá því sem virtist vera grimmileg örlög,“ segir í lýsingu við myndbandið á YouTube.
„Teymi af köfurum er að leita að skeljum en súrefnið er að klárast,“ segir í texta í myndbandinu en kolkrabbar af þessari tegund eiga það til að vera mjög vandlátir þegar kemur að skeljavalinu. Þegar þetta er skrifað hafa rúmlega 6 milljónir manns horft á þetta magnaða myndband sem sjá má hér fyrir neðan.
