Rudy Boesch er látinn, 91 árs að aldri. Hann lést á föstudag eftir langa baráttu við Alzheimer-sjúkdóminn. Us Weekly segir frá þessu.
Rudy var vel þekktur meðal aðdáanda raunveruleikaþáttanna Survivor. Rudy keppti í fyrstu seríunni af Survivor þegar hann var 72 ára og endaði í þriðja sæti. Hann sneri aftur í áttundu seríu sem skartaði keppendum úr fyrri þáttaröðum. Þá var Rudy 75 ára og var annar keppandinn til að vera sendur heim. Enginn eldri en hann hefur keppt í Survivor.
Rudy gaf út bókina The Book of Rudy: The Wit and Wisdom of Rudy Boesch árið 2001 og var virkur í góðgerðarstarfi. Rudy var ekkill en skilur eftir sig þrjár dætur.