Reglulega er fjallað um eftirsóknarverðustu einstaklinga landsins, flottustu piparsveinana eða kynþokkafyllstu stjörnurnar. En einum hóp er gjarnan gleymt. Það eru silfurrefirnir, sem bera aldurinn vel.
DV ákvað að taka saman glæsilegustu silfurrefi Íslands.
Logi Bergmann Eiðsson er kunnugur flestum landsmönnum. Hann er yngsti silfurrefurinn sem DV valdi, en ómissandi listanum.
Logi var sjónvarpsfréttamaður á Stöð 2 og er nú útvarpsmaður á K100 ásamt því að vera með þættina Með Loga á Sjónvarpi Símans. Logi giftist sjónvarpskonunni Svanhildi Hólm Valsdóttur árið 2005. Logi mun fagna 53 ára afmæli í desember næstkomandi.
Kári Stefánsson varð sjötugur í apríl á þessu ári og er sannkallaður silfurrefur með silfrað hár. Kári er taugalæknir og forstjóri Íslenskrar erfðagreiningar. Fyrir um viku síðan vann hann hin alþjóðlegu KFJ-verðlaun sem veitt voru af Ríkisspítalanum í Kaupmannahöfn.
Ragnar Axelsson hefur undanfarin ár skapað sér stórt nafn í heimi alþjóðlegrar ljósmyndunar. Hann hefur slegið í gegn víðsvegar um heiminn og gefið út nokkrar ljósmyndabækur sem hafa slegið í gegn. Þessi hæfileikaríki silfurrefur er 61 árs.
Hver þekkir ekki Boga? Bogi er fréttamaður Ríkisútvarpsins og hefur verið einn af fréttalesurum Ríkissjónvarpsins síðan 1979. Í gegnum árin hefur Bogi gengt ýmsum störfum fyrir RÚV og var meðal annars forstöðumaður fréttasviðs og seinna frétta- og dagskráargerðamaður.
Bogi var skothelt val sem einn af glæsilegustu silfurrefum Íslands. Hann varð 67 ára í apríl síðastliðnum.
Íslenski leikarinn Bergur Þór Ingólfsson fagnaði stórafmæli í byrjun ársins. Hann er fimmtugur, giftur og margra barna faðir. Hann hefur starfað hjá Borgarleikhúsinu frá aldamótum sem leikari, leikskáld og leikstjóri. Hann hefur einnig komið fram á hvíta tjaldinu í myndinni Óróa og sló í gegn í þáttunum Case.
Baltasar Kormákur er einn þekktasti leikstjóri landsins. Hann er fæddur árið 1966 og var líklegast einn eftirsóttasti silfurrefur landsins þar til listakonan Sunneva Ása Weisschappel nældi sér í kappann.
Baltasar hefur leikstýrt fjölda mynda, eins og 101 Reykjavík, Mýrin og Everest. Hann leikstýrði einnig þáttunum Ófærð sem slógu í gegn.
Þó Egill sé ekki með neina silfraða lokka þá er hann klárlega einn af glæsilegustu silfurrefum Íslands. Egill er 66 ára og hefur gert garðinn frægan sem söngvari, leikari, laga- og textahöfundur. Hann er giftur Tinnu Gunnlaugsdóttur, fyrrverandi Þjóðleikhússtjóra og eiga þau saman þrjú börn.
Að sjálfsögðu er ekki hægt að minnast á Egil og sleppa bróður hans Hinrik. Hinrik er tíu árum yngri en bróðir sinn en í svipuðum bransa. Hinrik er leikari og kannast örugglega margir við hann sem forsætisráðherrann í Ófærð.
Jóhannes Felixson eða Jói Fel eins og hann er þekktur er örugglega vinsælasti bakari landsins. Hann á og rekur fjölda bakaría um land allt sem bera nafn hans. Jói Fel er óneitanlega einn af glæsilegustu silfurrefum Íslands.
Jói Fel er í sambúð með Kristínu Evu Sveinsdóttur. Hann á tvö börn, þau Rebekku og Jóa Fel Jr.
Hvað segja lesendur, vantar einhvern á listann?
