Leikarinn geðþekki Guðjón Davíð Karlsson, eða Gói eins og hann er oftast kallaður, og ljósmóðirin Ingibjörg Ýr Óskarsdóttir, eignuðust dreng í vikunni, sitt þriðja barn. Frá þessu greinir Gói á Facebook-síðu sinni.
„Hjörtun okkar stækkuðu þegar við Ingibjörg Ýr eignuðumst lítinn 15 marka dreng sem hefur fengið nafnið Ari Steinn. Hann er fullkominn,“ skrifar stolti faðirinn og lætur fylgja með mynd af snáðanum.
Fyrir eiga þau hjónin tvö börn, dreng og stúlku. Þann 22. ágúst síðastliðinn fögnuðu þau Gói og Ingibjörg tíu ára brúðkaupsafmæli sínu.
Fókus óskar fjölskyldunni til hamingju með viðbótina.