Vinkonurnar og áhrifavaldarnir Lína Birgitta og Berglind Saga stungu af úr köldu haustvindunum alla leið í sólina á Kanaríeyjum, nánar tiltekið Gran Canaria. Þær eru í óðaönn að sýna frá þessu á samfélagsmiðlum sínum og kemur þar meðal annars fram að þær gista á fimm stjörnu hótelinu Lopesan Baobab Resort þar sem nóttin kostar um þrjátíu þúsund krónur.
https://www.instagram.com/p/B3Jyf-vBfGS/
Athygli vekur að hótelið sem og ferðaskrifstofan Úrval Útsýn eru merktar inn í margar færslurnar en hins vegar ekki tekið fram að um auglýsingu sé að ræða. Lína Birgitta hefur sjálf sagt í viðtali við DV að hún vinni ekki fyrir hvern sem er, þótt hún hafi í upphafi ferilsins þegið vörur án endurgjalds og gert skiptidíla. Í dag velji hún viðskiptavini sína vel. „Ég vil að brandið þitt passi við mig og ég passi við brandið þitt,“ sagði hún í viðtali við DV. Í sama viðtali sagði hún að hægt væri að þéna vel á samfélagsmiðlum, þá sérstaklega þegar áhrifavaldar væru búnir að ná langt og þyrftu ekki lengur að auglýsa vörur frítt. „Já, það eru peningar í samfélagsmiðlum. Það er hægt að fá góðan pening úr samfélagsmiðlum.“
