fbpx
Miðvikudagur 27.maí 2020
Fókus

Pétur Jóhann hélt að unnusta sín væri karlmaður: „Ég hélt hún væri bara eitthvað sturluð í hausnum“

Fókus
Föstudaginn 4. október 2019 10:20

Pétur Jóhann.

Ekki missa af Helstu tíðindum dagsins í pósthólfið þitt

Lesa nánar

Grínarinn, leikarinn og handritshöfundurinn Pétur Jóhann Sigfússon prýðir forsíðu nýjasta Mannlífs, en hann er með í bígerð uppistand sem er eins konar sjálfsævisaga. Í viðtalinu fer Pétur Jóhann um víðan völl, ræðir uppvöxtinn, fyrstu skrefin í gríninu, hæðirnar og lægðirnar í bransanum. Þá kemur hann einnig inn á einkalífið, en hann er trúlofaður Sigrúnu Halldórsdóttur. Þau kynntust árið 2007 og eiga sambandsafmæli í næstu viku, nánar tiltekið þann 7. október.

„Ég á eftir að giftast henni, við þurfum að finna daginn í það,“ segir Pétur Jóhann og fer yfir það hvernig þau kynntust. „Við kynntumst á Netinu, þegar Næturvaktin var nýbyrjuð í sýningu, á MySpace og hún bara sendi mér skilaboð þar hún Sigrún mín,“ segir Pétur Jóhann.

Sigrún og Pétur Jóhann töluðu fyrst um sinn aðeins saman í gegnum MySpace, oft langt fram á nætur, svo vikum skipti. Í viðtalinu við Mannlíf segir Pétur Jóhann að góð ástæða hafi verið fyrir því að hann dembdi sér ekki beint í að hitta hana.

„Ég var svolítið tregur, ég treysti ekki Netinu og hélt að Sigrún væri bara einhver vörubílstjóri, eða þú veist, bara einhver karl með mynd af konu. Af því á myndunum var hún alltof sæt til að vera eitthvað að tékka á mér. Og ég var viss um að þetta væri eitthvað rugl. En svo kom tímapunkturinn þar sem við ákváðum að hittast og hittumst í fyrsta skipti bara heima hjá mér í kaffi og svo síðan leiddi bara eitt af örðu. Ég hélt hún væri bara eitthvað sturluð í hausnum sko, nei djók! Sem við erum náttúrulega öll.“

Sigrún og Pétur Jóhann eiga hvort sína dótturina úr fyrri samböndum og einn son saman sem fæddur er árið 2011. Spéfuglinn segir ríkan samhljóm í sambandinu og dásamar tilvonandi eiginkonu sína í viðtalinu.

„Hún er kletturinn,“ segir hann. „Samt þýðir nafnið mitt klettur, þannig að ég er örugglega að einhverju leyti klettur hjá henni, ætli við séum ekki klettur hjá hvort öðru. Hún er náttúrulega óþrjótandi styrkur og leiðbeinir mér alltaf, ég get alltaf leitað til hennar.“

Forsíða Mannlífs.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 4 dögum

Sjáðu myndir af dýrasta sumarhúsi sem til sölu er

Sjáðu myndir af dýrasta sumarhúsi sem til sölu er
Fókus
Fyrir 5 dögum

Eiður smári lét lokkana fjúka – frjáls við grillið

Eiður smári lét lokkana fjúka – frjáls við grillið
Fókus
Fyrir 5 dögum

Fjölnir Þorgeirs og Margrét eiga von á barni

Fjölnir Þorgeirs og Margrét eiga von á barni
Fókus
Fyrir 6 dögum

Sumarfrísplön þekktra Íslendinga: „Skaftárfell líklega fallegasti staður á jarðríki“

Sumarfrísplön þekktra Íslendinga: „Skaftárfell líklega fallegasti staður á jarðríki“
Fókus
Fyrir 1 viku

Stílisti Íslands selur gullfallegt hús í Garðabæ

Stílisti Íslands selur gullfallegt hús í Garðabæ
Fókus
Fyrir 1 viku

Sjáðu íbúðina sem Birgitta Líf selur á 70 milljónir

Sjáðu íbúðina sem Birgitta Líf selur á 70 milljónir
Fókus
Fyrir 1 viku

Manuela og Jón hætt saman

Manuela og Jón hætt saman
Fókus
Fyrir 1 viku

Sjáðu Jennifer Garner dansa við lag Daða Freys

Sjáðu Jennifer Garner dansa við lag Daða Freys