Scott fer yfir líklegustu sigurvegarana í öllum flokkum en athygli vekur að íslensk mynd er á einum listanum. Um er að ræða myndina Hvítur, hvítur dagur, sem hefur fengið mikið lof gagnrýnenda um allan heim.
Myndin hefur nú þegar unnið til verðlauna á kvikmyndahátíðum erlendis en auk þess hefur Ingvar E. Sigurðsson í þrígang unnið verðlaun erlendis fyrir aðalhlutverk sitt í myndinni. Mótleikkona hans, Ída Mekkín Hlynsdóttir, hefur einnig hlotið verðlaun fyrir leik sinn í myndinni á Hamptons hátíðinni í Bandaríkjunum.
Scott Feinberg setur myndina á lista yfir þær myndir sem líklegastar eru til að vinna óskarinn fyrir bestu alþjóðlegu myndina. Listinn er þétt skipaður myndum sem hafa vakið mikla athygli en þar má helst nefna kvikmyndina Parasite sem margir telja að gæti hneppt hnossið.
