Ferðamála-, iðnaðar- og nýsköpunarráðherra, Þórdís Kolbrún Reykfjörð Gylfadóttir sagði í kvöld frá því er hún hitti kvikmyndastjörnuna George Clooney. Þetta gerði hún í færslu á Twitter.
Hitti okkar mann George Clooney í dag. Hélt ég yrði í fyrsta sinn star struck en svo var hann bara svo venjulegur og almennilegur og við spjölluðum um náttúru Íslands, túrisma, pólitík – og veðrið – eins og Íslendingurinn sem ég er. Svo hann var bara léttur og ég var bara létt ??♀️
— Þórdís Kolbrún Reykfjörð Gylfadóttir (@thordiskolbrun) October 30, 2019
Stórleikarinn er staddur á Íslandi um þessar mundir við tökur á kvikmyndinni Good Morning, Midnight, sem Clooney leikstýrir sjálfur. Einnig fer hann með aðalhlutverk myndarinnar ásamt þekktum leikurum á borð við Felicity Jones, David Oyelowo og Kyle Chandler.
Svo virðist vera að Þórdísi hafi komið á óvart hversu venjulegur gæi George Clooney væri, en líkt og kom fram í tístinu spjölluðu þau saman um afskaplega venjulega hluti.
Þórdís var spurð hvort hún hefði ekki tekið mynd af sér og Hollywood stjörnunni vinsælu. Svar Þórdísar var skemmtilegt, en hún hyggst kannski ætla að fá mynd af honum næst.
Hann bað um hana en ég sagði bara kannski næst ??♀️
— Þórdís Kolbrún Reykfjörð Gylfadóttir (@thordiskolbrun) October 30, 2019
Hann var í gervi/action og það má ekki birta neitt.
— Þórdís Kolbrún Reykfjörð Gylfadóttir (@thordiskolbrun) October 30, 2019