Spákonan og flotþerapistinn Ellý Ármanns vakti verðskuldaða athygli á síðasta ári þegar hún byrjaði að mála afar erótískar myndir. Ein mynd vakti sérstaka athygli. Sú heitir Nóttin okkar og sýnir konu klofvega ofan á annarri manneskju sem liggur á grúfu. Báðar manneskjur eru allsnaktar. Töldu margir að um væri að ræða Ellý og unnusta hennar, Hlyn Jakobsson. „Ég bara teikna það sem er í gangi, þetta getur verið ég, þetta getur verið fantasía,“ sagði Ellý í samtali við DV á sínum tíma. Í vikunni auglýsti Ellý síðan umrædda mynd til sölu og ljóst er að um er að ræða algjöran safngrip.