Vala Grand, sem í dag vinnur hjá Reykjavík Excursions, hefur heldur betur breytt um lífsstíl síðustu mánuði, eins og fylgjendur hennar á samfélagsmiðlum hafa tekið eftir.
Vala hefur verið dugleg að hreyfa sig og taka mataræðið í gegn og árangurinn hefur ekki látið á sér standa. Hún hefur lést um níu kíló síðan í maí og er hvergi nærri hætt.
Vala er hvað þekktust fyrir að hafa talað opinskátt um líf sitt sem transkona og sýnir fylgjendum sínum á Instagram reglulega hvaða æfingar hún stundar til að styrkja sig.