Leikarinn deildi myndbandi á Instagram síðu sinni í dag og þakkar Húsavík fyrir að taka vel á móti sér.
„Deginum lokið við tökur í fallega bænum Húsavík á Íslandi með Will Ferrell og Rachel McAdams. Það var frábært að fá að vera hluti af Eurovision-fjölskyldunni. Takk Húsavík fyrir hlýjar móttökur.“
Í myndinni leikur Brosnan Eric Ericssong, en hann á að vera myndarlegasti karlmaður Íslands. Eric Ericssong er einnig faðir aðalpersónunnar sem Will Ferrel leikur.
Pierce Brosnan er hvað þekktastur fyrir að leika James Bond en dyggir aðdáendur James Bond kvikmyndanna vita að þetta er ekki í fyrsta skipti sem Brosnan kemur til landsins. Hann kom einmitt til Íslands við tökur á James Bond myndinni Die Another Day.
Instagram færslu Brosnan má sjá hér fyrir neðan.