Þættirnir Pabbahelgar fóru í sýningar á RÚV um síðustu helgi, en þeir eru hugarfóstur leikkonunnar, leikstjórans og handritshöfundarins Nönnu Kristínar Magnúsdóttur. Nanna Kristín er Íslendingum vel kunn og hefur heillað þjóðina í leiklistinni síðustu áratugi, til að mynda í kvikmyndunum Sveitabrúðkaup og París norðursins.
Nanna Kristín er systkinamörg en einn af bræðrum hennar er Jónas Breki Magnússon, skartgripahönnuðurinn á bak við merkið BREKI. Jónas uppgötvaði ást sína á skartgripagerð þegar hann spilaði íshokkí sem atvinnumaður í Finnlandi og lærði iðnina síðar í Kaupmannahöfn.