Bandaríski leikarinn Robert Forster er látinn, 78 ára að aldri.
Forster hóf leikaraferil sinn fyrir rúmum fimmtíu árum síðan og komið fram í ýmsum kvikmyndum og sjónvarpsþáttum. Ferill hans öðlaðist þó nýtt líf þegar hann var ráðinn í þriðju mynd leikstjórans Quentin Tarantino, Jackie Brown, og fékk Forster Óskarstilnefningu fyrir hlutverk hjartahlýja ábyrgðarmannsins Max Cherry. Tarantino hafði skrifað hlutverkið sérstaklega fyrir Forster á tímum þegar enginn framleiðandi vildi ráða leikarann í aðalhlutverk.
Meðal annarra hlutverka hans má nefna kvikmyndirnar Reflections in a Golden Eye, The Black Hole, Me, Myself & Irene, The Descendants, Mulholland Drive og Breaking Bad-kvikmyndina El Camino. Sú síðastnefnda var gefin út á streymisveituna Netflix á sama degi og leikarinn lést.
Samkvæmt umboðsmanni Forsters lést leikarinn í faðmi fjölskyldu sinnar á heimili sínu í Los Angeles eftir skammvinna baráttu við heilakrabbamein.