Kærustuparið Margrét Erla Maack og Tómas Steindórsson eignuðust dóttur í morgun. Litla hnátan var 3120 grömm og fimmtíu sentímetrar og er þetta fyrsta barn þeirra Margrétar og Tómasar.
„Margrét stóð sig eins og hetja og erum við foreldrarnir mjög stolt, glöð og þreytt en nýja manneskjan er rosalega sæt og hress. Í kvöld mun svo Yoko Ono bjóða hana velkomna í heiminn með smá athöfn í Viðey,“ skrifar Tómas á Facebook-síðu sína með mynd af dótturinni.
Margrét og Tómas hafa verið saman um nokkra hríð, en barátta þeirra við Fæðingarorlofssjóð hefur vakið mikla athygli. Tóku þau meira að segja upp á því að stofna til söfnunar á Karolina Fund svo þau gætu átt salt í grautinn í fæðingarorlofi Margrétar.
Fókus óskar nýbökuðu foreldrunum innilega til hamingju!
