fbpx
Fimmtudagur 22.ágúst 2019  |

DV - Frjáls og óháður miðill

Fókus

Stefán Máni hundfúll: „Heiðarleiki er töff, speninn er það ekki“

Ágúst Borgþór Sverrisson
Föstudaginn 11. janúar 2019 22:00

Ekki missa af Helstu tíðindum dagsins í pósthólfið þitt

Lesa nánar

„Það er engin virðing borin fyrir hinum almenna lesanda, skattgreiðandanum,“ segir metsöluhöfundurinn Stefán Máni en hann fékk ekki starfslaun úr Launasjóði rithöfunda í ár og ekki heldur í fyrra. Er Stefán Máni, sem sjaldan hefur fengið starfslaun og þá oftast aðeins þrjá mánuði þegar það hefur gerst, alvarlega að hugsa um að hætta að sækja um.

Stefán Máni, sem er afar vinsæll höfundur og gefur út skáldsögur á hverju ári, segir að þeir höfundar sem fólk les skipti máli. Á lista yfir starfslaunaþega að þessu sinni má hins vegar sjá marga fremur lítið þekkta höfunda, t.d. ungan höfund með eitt lítið smásagnasafn á afrekaskránni, og fékk sá höfundur sex mánaða starfslaun.

Mynd: Anna Ibelhäuser

Höfundar sem enginn les fái starfslaun fyrir að læðast með veggjum

„Hvor skiptir meira máli fyrir íslenska menningu, Einar Kárason eða Bjarni Bjarnason?“ spyr Stefán Máni, og á þar við Bjarna Bjarnason sem hlaut 9 mánaða starfslaun. „Hvaða höfundar skipta máli fyrir íslenska menningu og útgáfu? Þeir sem seljast, þeir sem fólkið les. Hinir skipta engu máli. En þeir fá laun fyrir læðast með veggjum. Höfundar sem enginn les eru á spenanum.“

„Kerfið elur upp umsækjendur en ekki listamenn. Fuck the system!“ segir Stefán Máni jafnframt og vill meina að höfundar sem kunna að skrifa starfsumsóknir og koma sér í mjúkinn við þá sem deila út gæðunum séu þeir sem fái starfslaunin, en ekki endilega bestu listamennirnir. Stefán Máni stundar launavinnu núna og skrifar snemma á morgnana. Segir hann að skortur á starfslaunum muni ekki stöðva sig:

„Þessi laun eru óþolandi og það er frelsi að vera laus við þau. Það er samt óréttlæti að fá þau ekki. En ég er að vinna fulla vinnu, skrifa snemma á morgnana og held sjálfsvirðingunni. Heiðarleiki er töff, speninn er það ekki.“

Meðal annarra þekktra höfunda sem hlutu ekki náð fyrir augum úthlutunarnefndarinnar er einn vinsælasti barnabókahöfundur þjóðarinnar, Þorgrímur Þráinsson. Annar þekktur barnabókahöfundur, Andri Snær Magnason, fékk 12 mánaða starfslaun. Þorgrímur segist hafa sótt um starfslaun eins og hann gerir á hverju ári en á 30 ára ferli sínum sem barnabókahöfundur hefur Þorgrímur aðeins fengið starfslaun tvisvar. Hefur hann þó gefið út fleiri en eina bók á ári allan þann tíma og sinnt margvíslegum öðrum störfum. Þorgrímur vildi ekki tjá sig um málið að öðru leyti en því að hann hafi sótt um starfslaun og geri það alltaf.

Einar Kárason úti í kuldanum

Þekktasti höfundurinn af þeim sem hafnað var að þessu sinni er án efa Einar Kárason, einn ástsælasti rithöfundur þjóðarinnar. Einar var mjög undrandi yfir niðurstöðunni eins og fram kemur í viðtali hans við Fréttablaðið.

Á Facebook-síðu sinni skrifar Einar:

Hafði ég eytt dýrmætum degi í að búa til umsókn. En skítt og laggó, maður þarf bara að finna sér annan starfa. Tvær dætur sóttu líka um, við gáfum samtals út fjórar bækur í fyrra, en ekkert okkar fær fimmeyring.

Dóttir Einars, Júlía Margrét Einarsdóttir, gaf út skáldsöguna Drottingin á Júpíter sem fékk mjög góðar viðtökur. Einar gaf út skáldsöguna Stormfuglar sem fékk frábæra dóma.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Tanja Ýr lepur dauðann úr skel – Langt undir lágmarkslaunum: „Ég styð ekki fréttamennsku“

Tanja Ýr lepur dauðann úr skel – Langt undir lágmarkslaunum: „Ég styð ekki fréttamennsku“
Fókus
Fyrir 2 dögum

Sjáðu myndband: Fór í klippingu í fyrsta skipti í fimmtán ár

Sjáðu myndband: Fór í klippingu í fyrsta skipti í fimmtán ár
Fókus
Fyrir 3 dögum

Íslendingar takast á við naflapot, köngulær og óhreint niðurfall – Færð þú klígju?

Íslendingar takast á við naflapot, köngulær og óhreint niðurfall – Færð þú klígju?
Fókus
Fyrir 4 dögum

Mikið sprell í brúðkaupi Sollu og Ella – Í kjól frá Aftur og Bríet tók lagið

Mikið sprell í brúðkaupi Sollu og Ella – Í kjól frá Aftur og Bríet tók lagið
Fókus
Fyrir 5 dögum

Mynd dagsins: Hafþór spyr hvort hann eigi að fjárfesta í bifreið – Þó hún sé augljóslega alltof lítil fyrir hann

Mynd dagsins: Hafþór spyr hvort hann eigi að fjárfesta í bifreið – Þó hún sé augljóslega alltof lítil fyrir hann
Fókus
Fyrir 6 dögum

Barðist fyrir trommukjuða á Ed Sheeran: „Ég var alveg tilbúin til þess að standa þarna allt kvöldið“

Barðist fyrir trommukjuða á Ed Sheeran: „Ég var alveg tilbúin til þess að standa þarna allt kvöldið“