Myndband af írska bardagakappanum Conor McGregor að kýla mann á krá í Dublin dreifist nú líkt og eldur um sinu um netheima.
Myndbandið birti slúðurmiðillinn TMZ, en á því sést Conor kýla eldri mann í andlitið sem virðist neita að drekka viskíið hans.
Svo virðist vera að Conor hafi mætt á kránna til að gefa mönnum að smakka Viskíið sem hann framleiðir og ber nafnið Proper Twelve. Einn kráargesturinn virðist hafa neitað að drekka glas af þessum áfenga drykk þrátt fyrir ítrekaðar tilraunir Conors sem brást við með því að slá manninn í andlitið.
Conor keppir í MMA og er þekktur fyrir að lenda í vandræðum utan keppni. Hann hefur kastað trillu í rútu, kastað flöskum í átt að áhorfendum og keppinautum sínum. Auk þess sem hann hefur verið ásakaður um nauðgun.