Hin þekkta og vinsæla dagskrárgerðarkona, Helga Arnardóttir, veitti DV góðfúslega leyfi til að birta þessa einstaklega fallegu mynd af sér sem tekin er á grísku paradísareyjunni Íkaría. Helga vinnur þar að gerð þáttar um langlífi fyrir Sjónvarp Símans. Á sama tíma gengur hún með nýtt líf undir belti. Helga skrifar stutta færslu um þetta á Facebook-síðu sinni þar sem hún birtir myndina:
„Vaxandi bumba á grísku paradísareyjunni Íkaría þar sem við Bragi Þór Hinriksson erum að vinna þátt um langlífi fyrir Sjónvarp Símans. Fjórir mánuðir búnir og settur dagur á krílíð er mögulega yfir nýársávarpi Guðna forseta 01.01.20. Við Bragi og krakkarnir gætum ekki verið ánægðari.“
DV óskar þeim Helgu, Braga og börnum þeirra hjartanlega til hamingju.