Fólkið sem tók upp klám í Neskaupstað heitir Aimee og Caden. Parið er frá Las Vegas í Bandaríkjunum og hafa þau birt fjölda klámmyndbanda á hinum ýmsum síðum.
Þetta og fleira má sjá ef notendanafni þeirra er flett upp á netinu. Þau virðast hafa verið talsvert virka á hinum ýmsum samfélagsmiðlum en eytt flestu efni fremur nýlega. Líkt og hefur áður verið greint frá þá var myndbandinu sem var tekið upp í Neskaupstað eytt og verður ekki betur séð en það sé horfið af netinu.
Fjöldi heimamanna náðu þó að horfa á myndbandið áður en því var eytt. „Ég horfði ekki á það sjálfur, hafði hreinlega ekki áhuga á því, en veit að margir hér í bænum horfðu á það,“ sagði einn heimildarmaður DV.
Sjá einnig: Klám tekið upp í Neskaupstað: „Margir hér í bænum horfðu á það“
Þau eru þó hvergi nærri hætt að birta klám því aðgangur þeirra á einni klámsíðu er enn virkur. Nýjasta myndbandinu þar var deilt fyrir um þrem vikum. Mörg myndbanda sem þau deila er tekin á almannafæri, oft í mátunarklefa.
Þau segjast á Twitter vera striplingar á heimsflakki. Auk hins alræmda myndbands sem tekið var á Íslandi þá hafa þau deilt myndböndum frá Argentínu og heimabæ þeirra, Las Vegas.
Klámmyndbandið þau tóku upp á Íslandi var tekið upp á Cliff hótel en á veturna er þar heimavist fyrir nemendur Verkmenntaskóla Austurlands. Aimee og Caden störfuðu þar en voru rekin þegar upp komst um myndbandið. „Indælisfólk og ekki skrifað utan á þau að þetta væri hobbíið þeirra. Duglegt fólk, það vantaði ekki og ráðin til að vera húsráðendur á hótelinu. Það skiptir engu þótt þetta sé hobbíið þeirra, en ekki fara að blanda hótelinu í málið. Þetta er viðkvæmt þar sem hótelið er heimavist á veturna,“ sagði heimildarmaður í samtali við DV.