Aktívistar gengu inn í Hagkaup í Skeifunni í gær og spiluðu hljóð og öskur dýra í sláturhúsi.

Um er að ræða fyrstu „truflunina“ (e. disruption) á Íslandi. Aktívistaparið That Vegan Couple er um þessar mundir á landinu og hafa tekið þátt í fleiri mótmælum á Íslandi síðustu daga.

Á sunnudaginn mótmæltu þau ásamt hóp af íslenskum dýraverndunarsinnum fyrir utan sláturhús SS á Selfossi.

Sjá einnig: Dýraverndunarsinnar mótmæltu á Selfossi: „Fangelsuð, nauðgað og afkvæmin drepin!“

Hópurinn stóð í kjöt- og mjólkurvörudeild Hagkaupa. Þau voru með svart límband fyrir munninn og héldu á litlum skiltum. Þau voru einnig með litla hátalara sem spiluðu hljóð og öskur dýra.

Gestir Hagkaupa vissu ekki hvað væri í gangi og stóðu margir og tóku myndir og myndbönd af mótmælunum.

Eftir nokkrar mínútur gengu þau út. Lögreglan hafði verið kölluð á staðinn en þegar hún kom á vettvang var hópurinn farinn.

That Vegan Couple streymdi „live“ frá mótmælunum.

Sjáðu myndbandið hér að neðan.