Gunnar Hrafn Jónsson, fjölmiðlamaður og áður þingmaður Pírata, minnist á Facebook-síðu að fyrsta viðtal hans sem stjórnmálamaður hafi orðið nokkuð vandræðalegt þar sem hann valdi gróft rapplag sem hans uppáhaldslag.
Sagan er einna helst skondin fyrir þær sakir að viðtalið fór fram á Bylgjunni, sem spilar vanalega ekki gróft rapp. „Þegar ég mætti í mitt fyrsta viðtal sem stjórnmálamaður á Bylgjunni reyndist ég hafa svarað óvarlega tölvupósti frá kollegum þeirra á Vísi. Þau spurðu hvaða lög hefðu haft áhrif á mig og ég nefndi í einhverju rugli lagið „Hit ’em up“ sem er eitt grófasta og orðljótasta gangster rap lag allra tíma. Lagið leiddi meðal annars til þess að bæði söngvarinn og sá sem hann söng um voru skotnir til bana (að margra mati),“ skrifar Gunnar Hrafn.
Hann hafði svo gleymt þessu viku síðar þegar hann mætti í viðtal á Bylgjunni. „Svo sit ég þarna rólegur í settinu viku síðar að bíða eftir að tala um nýja stjórnarskrá í aðdraganda kosninga þegar fréttakonan segir: „En áður en við ræðum þessi mál ætlum við að hluta á uppáhalds lagið þitt samkvæmt Vísi.“ Mér rann kalt vatn á milli skinns og hörunds og fimm sekúndum seinna heyri ég óma í hátölurum í stúdíóinu og útvarpað til allra landsmanna: „I FUCKED YOUR WIFE YOU FAT MOTHERFUCKER!“Hún benti mér þá á að það væru fjögur lög eftir af listanum mínum, hvert öðru verra,“ segir Gunnar Hrafn.
Tónlistarmaður Svavar Knútur bendir á í athugasemd að þetta hafi verið martröð starfsmanna Bylgjunnar. „Unun að þetta hafi verið spilað á Bylgjunni. Þetta er martröð þeirra, að missa góðborgarana yfir á Rás 2 yfir hábjargræðistímann,“ segir Svavar og við það bætir Gunnar Hrafn: „Þarna, já, myrðum negra sagði maðurinn. Klukkan er hálf þrjú og Bylgjulestin er á Breiðafirði í dag!“