Meghan Markle og Harry prins eiga von á sínu fyrsta barni innan tíðar og tilkynntu það fyrir stuttu að þau muni ekki stilla sér upp fyrir myndatöku fyrir utan fæðingardeildina líkt og Kate Middleton og Vilhjálmur prins hafa gert með sín börn.
Því er nú búið að búa til sviðsettar myndir sem sýna hvernig uppstillingin fyrir utan fæðingardeildina myndi líta út. Í sömu myndaseríu má einnig sjá Meghan og Harry kaupa leikföng fyrir frumburðinn.
Þá er einnig fyndin mynd þar sem Harry og Meghan eru komin að búðarkassanum en Harry gleymir veskinu. Vandræðalegt!
Myndirnar koma úr ranni leikfangaframleiðandans Zapf Creation í Bretlandi, en Kasia Leskow, markaðsstjóri fyrirtækisins, segir í samtali við The Sun að þetta sé allt í góðu gríni gert.
„Það hefur verið gaman að fagna komu nýs konungsbarns á þennan hátt. Við óskum Harry prins og Meghan alls hins besta á lokametrunum er þau undirbúa komu barnsins.“