Þó að Luther Younger sé orðinn 99 ára lætur hann ekkert stöðva sig í að heimsækja eiginkonu sína hvern einasta dag. Younger gengur tíu kílómetra, nánast hvern einasta dag, á hjúkrunarheimili þar sem eiginkona hans dvelur.

Younger er búsettur í Rochester í New York og hann er ástfanginn af eiginkonu sinni, Waverlee, upp fyrir haus. Þau hafa verið gift í 55 ár og hefur samband þeirra ávallt verið sterkt.

„Mig langar bara að hitta eiginkonu mína. Ég elska hana,“ sagði hann í viðtali við bandaríska fjölmiðla fyrir skemmstu. Younger bætir við að hann eigi eiginkonu sinni margt að þakka. „Hún gerði mig að manni. Hún gerði mig að sterkari einstaklingi en ég hefði orðið.“

Árið 2009 greindist Waverlee með heilaæxli og síðan þá hefur hún verið inn og út af sjúkrastofnunum. Hún dvelur þar með reglulegu millibili og leggur Younger í vana sinn að heimsækja hana á hverjum degi – skiptir þá engu þó hann þurfi að leggja á sig örlítið ferðalag.

Luther segir að margir hafi boðist til að skutla honum en hann kjósi frekar að ganga. Það hreinsar hugann, segir hann, og þá segir hann að fólk hafi gott af því að vinna fyrir þeim hlutum sem það sækist eftir. Sjálfur barðist Luther í Kóreustríðinu og segist hann búa af þeirri reynslu enn þann dag í dag.

Luther Younger’s story has gone viral. The 99 year old walks 6 miles almost every day to see his wife in the hospital. He’s been showcased on news outlets across the country. The fame hasn’t him slowed him down one bit. He walks for the same reason he always has: „I love my wife“ pic.twitter.com/L8qzHucmHU

— Andrew Banas (@AndrewWHAM) September 3, 2018