Maður kynnti sig sem Einar og kvaðst búsettur í Póllandi þegar hann hringdi á dögunum í Línan er laus á Útvarpi Sögu. Þar kvartaði hann yfir ýmsu, þó fyrst og fremst kaþólsku kirkjunni og barnaníðingum meðal presta.
Þetta væri ekki frásögu færandi ef það væri ekki fyrir þær sakir að undir lok samtals hans við Pétur Gunnlaugsson sagðist Einar reka nuddstofu sem hægt væri að fá „happy ending“. Með öðrum orðum, rúnk í lok nuddsins sem er eitt form vændis. Hér fyrir neðan má hlusta á upptöku af þessu kostulega sam.
Einar: „Ég rek smá starfsemi, hérna í Varsjá. […] Mjög algengir kúnnar eru prestar. Þeir eru að koma í nudd og svona. Fela það ekki nokkurn skapaðan hlut.
Pétur: „Hvernig nudd er það?“
Einar: „Þetta er nuddþjónusta sem ég er með.“
Pétur: „Er það ekki lögleg þjónusta?“
Einar: „Jaa, jú, jú. Þetta er gjörsamlega löglegt hérna, en þetta væri örugglega ekki löglegt á Íslandi.“
Pétur: „Hverskonar nudd er þetta?“
Einar: „Þetta er það sem tíðkast hér voða mikið“
Pétur: „Sem er?“
Einar: „Ég held að þú sért alveg búinn að kveikja hvað ég er að fara.“
Pétur: „Nei, ég vil gjarnan heyra það frá þér. Ég er einlægur í því sem ég er að segja, ég vona að þú sért það líka.“
Einar: „Þetta er svokallað „happy ending““.
Pétur: „Happy ending?“ Jáá“
Einar: „Það er fyllilega löglegt hér og í Þýskalandi“
Pétur: „Hvað er það? Ég veit hvað þetta þýðir á ensku, „happy ending“, er svo sem allt er gott sem endar vel. En hvað þýðir þetta í þínu tilviki, ha?“
Einar: „Menn geta komið bæði í nudd og líka í kynferðislegum tilgangi.“
Pétur: „Núúúú. Eru þá konur sem vinna hjá þér? Eða hvernig er það?“
Einar: „Já, hjá okkur hjónum. Konan mín er pólsk og við rekum þetta í sameiningu“
Þess má geta að Jón Valur Jensson hringdi svo daginn eftir og kvartaði undan Einari. „Þessi Einar, melludólgur í Varsjá. Hann hefur engan rétt á að gagnrýna kaþólsku kirkjuna. Hann er melludólgur,” sagði Jón Valur. DV hefur fengið staðfest að um hrekk hafi verið að ræða af hálfu Einars og hann rekur enga nuddstofu í Póllandi. Hér má hlusta á samtalið.