fbpx
Sunnudagur 24.mars 2019

DV - Frjáls og óháður miðill

Fókus

Greifarnir halda brekkusöng og útihátíð í 9. sinn um verslunarmannahelgina

Ragna Gestsdóttir
Sunnudaginn 29. júlí 2018 12:30

Ekki missa af Helstu tíðindum dagsins í pósthólfið þitt

Lesa nánar

Greifarnir halda árlega Útihátíð sína á SPOT í Kópavogi um Verslunarmannahelgina og er þetta í 9. sinn sem sú hátíð fer fram.

Sérstakur gestur þetta árið er hinn landskunni Felix Bergsson en hann var fyrsti söngvari hljómsveitarinnar eins og margir muna eftir.

Dansleikir laugardags- og sunnudagskvöld sem henta vel þeim sem komast ekki úr bænum um helgina. Greifarnir með alla sína slagara í bland við aðra klassík og svo stígur Felix Bergsson á svið og rifjar upp með gömlu félögum sínum lögin sem sveitin var frægust fyrir fyrstu árin.

Brekkusöngurinn vinsæli sem er á sunnudagskvöldinu byrjar fyrr en undanfarin ár eða stundvíslega kl.22.30 og stendur til miðnættis.

„Fullorðnir og börn úr Kópavoginum og víðar mæta með teppi og kakó og fleira á brúsa og syngja og skemmta sér í fjöldasöng og gleði,“ segir Viddi greifi. „Eftir brekkusönginn fer svo fullorðna fólkið með börnin heim í háttinn og mætir svo á ball á eftir.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af