Nornasveimur, ný skáldsaga, glæpafantasía, eftir Emil Hjörvar Petersen kemur út í vikunni. Verið hjartanlega velkomin í útgáfuhóf í Pennanum Eymundssyni Austurstræti í dag kl. 17.30.
Drykkir í boði útgefandans, Veraldar. Æti, upplestur, spjall og áritun í boði höfundar.
Bjóða má með sér vinum og fjölskyldu. Allir eru velkomnir.
Á Jónsmessunótt er norn myrt í Trékyllisvík á Ströndum. Fórnarlömb galdrabrenna ganga aftur. Illskeytt og dularfull kynjaskepna ræðst til atlögu. Og válegir andar eru á sveimi. Yfirnáttúrudeild rannsóknarlögreglunnar þarf að takast á við skelfilegt ástandið með aðstoð huldumiðilsins Bergrúnar Búadóttur og Brár, dóttur hennar. Samhliða því að kljást við ókennileg öfl þurfa mæðgurnar að horfast í augu við eigin breyskleika og innri ógnir.
Úr dómum um Víghóla og Sólhvörf:
★ ★ ★ ★„Emil tekst listavel að samtvinna sagnaheim ævintýrabókmennta og glæpasagna … Hröð og spennandi atburðarásin er bæði myndræn og skemmtileg.“ — Vilhjálmur A. Kjartansson, Morgunblaðið
„Bækurnar eru einstakar hér á landi og þótt víða væri leitað … Stórskemmtileg og kynngimögnuð glæpasaga, ankannalegur krimmi, þjóðsagnakenndur ævintýratryllir. Glæpasaga fyrir bæði nýja tíma og aðra heima.“ — Brynhildur Heiðar- og Ómarsdóttir, Orð um bækur, Rás 1
„Emil Hjörvar Petersen er að festa sig í sessi sem eitt helsta fantasíuskáld Íslendinga … [Textinn er] ljómandi kvikur og skemmtilegur þegar hröð atburðarásin tekur völdin.“ — Rósa María Hjörvar, Bókmenntaborgin.is
„Vel skrifuð og spennandi glæpafurðusaga sem vinnur með þjóðsagnaarfinn á áhugaverðan og skapandi hátt.“ — Brynhildur Björnsdóttir, Fréttablaðið
