fbpx
Miðvikudagur 24.apríl 2019

DV - Frjáls og óháður miðill

Fókus

Heiðar fékk erfiða heimsókn frá lögreglunni: „Hann var kominn til að tilkynna mér að pabbi væri dáinn“

Fókus
Fimmtudaginn 8. nóvember 2018 12:22

Mynd: Erlendur Magnússon

Ekki missa af Helstu tíðindum dagsins í pósthólfið þitt

Lesa nánar

„Fyrsta sem ég hugsaði var, hvað gerði ég af mér. Hann var kominn til að tilkynna mér það að pabbi minn væri dáinn,“ segir Heiðar Logi Elíasson í Einkalífinu á Vísi.

Heiðar Logi er hæfileikaríkur ungur maður sem meðal annars hefur vakið athygli fyrir brimbrettaiðkun sína. Þá hefur hann einnig starfað sem fyrirsæta svo fátt eitt sé nefnt. Heiðar missti föður sinn í september síðastliðnum en það gerðist rétt áður en hann átti að mæta og vera fyrsti gestur Einkalífsins.

„Ég sat bara heima og var að undirbúa mig að koma og var í raun bara að bíða eftir því að ganga út um hurðina,“ segir Heiðar í viðtalinu. Skömmu síðar var hins vegar bankað á dyrnar.

„Hálftíma áður en ég átti að mæta bankar maður á hurðina og ég opna. Hann spyr mig hvort ég sé Heiðar Logi og svo segist hann vera frá lögreglunni,“ segir Heiðar sem velti fyrst fyrir sér hvort hann hefði gert eitthvað af sér. En þá var lögreglumaðurinn kominn til að tilkynna honum um andlát föður hans.

Í viðtalinu opnar Heiðar sig meðal annars um samskipti þeirra feðga, en faðir hans var í stífri neyslu lengi vel. Heiðar segir að þeir hafi ekki verið allt of tengdir þegar hann var yngri, með árunum hafi hann orðið betri og betri en svo hafi komið tímabil þar sem hann hrundi niður.

„Þegar ég var unglingur var hann byrjaður að sprauta sig með sterkum efnum og þetta var alveg svona hardcore stöff. Síðustu ár hef ég oft hugsað að það muni koma sá dagur að einhver lætur mig vita að hann sé farinn. Þannig endar þetta þegar fólk er að neyta sterkra eiturlyfja“ segir Heiðar sem kveðst eiga föður sínum margt að þakka. Hann hafi í raun verið forvörn fyrir hann. Fráfall hans hafi þó verið mjög erfitt en Heiðar segir að þeir feðgar hafi farið í vikuferðalag um Hornstrandir sem hafi verið ógleymanleg reynsla.

„Þetta er mín besta forvörn og það sem hefur kennt mér hvernig ég vil ekki lifa lífinu mínu. Þetta er í rauninni ástæðan fyrir því að ég tók lífið mitt og ákvað að ég ætlaði að gera það sem mig langaði að gera, í stað þess að vera fastur í því sem mig langar ekki að vera að gera,“ segir Heiðar sem hætti að drekka þegar hann var nítján ára. Þá ákvörðun tók hann því hann var einfaldlega slæmur með áfengi.

Þetta áhugaverða viðtal við Heiðar Loga má sjá í heild sinni á Vísi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Grýtt með sítrónu og strunsaði af sviðinu – Kenna Beyoncé um – Myndband

Grýtt með sítrónu og strunsaði af sviðinu – Kenna Beyoncé um – Myndband
Fókus
Í gær

Stefán Örn breytti fornbíl í sjónvarpsskenk

Stefán Örn breytti fornbíl í sjónvarpsskenk
Fókus
Fyrir 2 dögum

Mótmælir innantómum sjálfsmyndum með því að „deyja“ við fræg kennileiti – Ísland meðal áfangastaða

Mótmælir innantómum sjálfsmyndum með því að „deyja“ við fræg kennileiti – Ísland meðal áfangastaða
Fókus
Fyrir 3 dögum

Nýtt viðtal við Hatara: „Óttast íslenska þjóðin að þið komið með keppnina til Íslands?“

Nýtt viðtal við Hatara: „Óttast íslenska þjóðin að þið komið með keppnina til Íslands?“
Fókus
Fyrir 3 dögum

Strokufangar á Íslandi

Strokufangar á Íslandi
Fókus
Fyrir 4 dögum

Emmsjé Gauti fékk sér nýtt flúr – Fékk hjálp við að deyfa sársaukann

Emmsjé Gauti fékk sér nýtt flúr – Fékk hjálp við að deyfa sársaukann
Fókus
Fyrir 4 dögum

18 ára íslenskur drengur skotinn til bana í skotgröfum

18 ára íslenskur drengur skotinn til bana í skotgröfum