fbpx
Fimmtudagur 25.apríl 2019

DV - Frjáls og óháður miðill

Fókus

Litla skrímslið og stóra skrímslið á ferð og flugi í Danmörku

Ragna Gestsdóttir
Mánudaginn 5. nóvember 2018 10:30

Ekki missa af Helstu tíðindum dagsins í pósthólfið þitt

Lesa nánar

Fjölskyldusýningin Skrímslin bjóða heim sem byggð er á bókum norræna þríeykisins Áslaugar Jónsdóttur, Kalle Güettler og Rakel Helmsdal um Stóra skrímslið og Litla skrímslið er nú á ferð og flugi um Danmörku.

Sýningin var sett upp í menningarhúsi Borgarbókasafnsins í Gerðubergi haustið 2015, í Norðurlandahúsinu í Færeyjum vorið 2017 og er nú til sýnis í Bókasafni Gentofte í Danmörku. Þar er hún á dagskrá undir merkjum verkefnisins „Fang fortællingen“ eða „Fangaðu frásögnina“ og er ein af tíu farandsýningum sem flakka á milli bókasafna í Danmörku frá 2018-2020. „Danska útgáfan“ af sýningunni er smækkuð útfærsla af upphaflegu sýningunni til að sem flest bókasöfn eigi þess kost að setja hana upp.

Hönnun og sýningarstjórn var í höndum Áslaugar Jónsdóttur og Högna Sigurþórssonar.

Sýningunni hefur verið afar vel tekið á öllum sýningarstöðum. Boðið hefur verið upp á fjölbreytta dagskrá fyrir börn þar sem unnið er með inntak skrímslabókanna. Þeir sem eiga leið til Danmerkur geta fylgst með hvar sýningin er stödd hverju sinni en nú þegar er búið að panta sýninguna á bókasöfnin í Ballerup, Rudersdal, Kolding og Álaborg. Sjá Facebook síðu verkefnisins Fang fortællingen.

Þeir sem vilja kynna sér verkefnið og fylgjast með hvað Litla skrímslið og Stóra skrímslið eru að bralla hverju sinni er bent á bloggsíðu Áslaugar Jónsdóttur.

Verkefnið hlaut styrk frá Norræna menningarsjóðnum.

Ljósmyndir tók Christoffer Askman.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Karólína svarar staðhæfingum um fitufordóma: „Ég var kölluð trukkur daglega í grunnskóla“

Karólína svarar staðhæfingum um fitufordóma: „Ég var kölluð trukkur daglega í grunnskóla“
Fókus
Í gær

Stjörnumerkið þitt segir til um hvaða Netflix þætti þú ættir að horfa á

Stjörnumerkið þitt segir til um hvaða Netflix þætti þú ættir að horfa á
Fókus
Fyrir 2 dögum

Ragna gefur út ljóðakver í minningu bróður síns – Bjarni svipti sig lífi

Ragna gefur út ljóðakver í minningu bróður síns – Bjarni svipti sig lífi
Fókus
Fyrir 2 dögum

„Ég er bara rétt að byrja, ef maður getur sagt það eftir 11 ár“

„Ég er bara rétt að byrja, ef maður getur sagt það eftir 11 ár“