Í vikunni bárust fregnir af því að veitingastaðurinn Þrastalundur í Grímsnesi væri til leigu eins og hann leggur sig. Veitingamaðurinn Sverrir Einar Eiríksson hefur átt og rekið staðinn síðastliðin ár og hefur Þrastalundur sérstaklega vakið athygli fyrir vel úti látinn bröns og sveiflukennt verð á ýmsum vörum. Sverrir Einar hefur komið víða við en hann hefur meðal annars selt gull, Herbalife og pítsur auk þess að koma með frumlegar lausnir á húsnæðisvanda fjölda fólks. Faðir Sverris Einars er Eiríkur Sigurbjörnsson, sjónvarpsstjóri Omega, sem hefur básúnað kristilegan boðskap yfir Íslendinga um árabil.