Þessi strætómiði lætur líklega ekki mikið yfir sér í fyrstu enda hafa farmiðar í þessum lit verið notaðir fram á þennan dag. En verðið, 77 aurar, vekur óneitanlega athygli. Viðskiptavinur Strætó kom með þennan farmiða á skrifstofu fyrirtækisins í Mjódd í gær. Miðinn fannst við hreingerningar á gamalli skúffu.
Samkvæmt upplýsingum frá Strætó má ætla að miðinn sé frá árinu 1951 eða litlu síðar. Á því ári kostaði fargjald fyrir fullorðna 1,00 kr. en 77 aura ef keyptir voru 13 miðar eða fleiri í einu.
Vart þarf að taka fram að ekki er hægt að borga sig í strætó með þessum miða í dag.
