Tónlistarmaðurinn Jón Jónsson og eiginkona hans, tannlæknirinn Hafdís Björk Jónsdóttir, eiga von á sínu þriðja barni saman. Þetta tilkynnti Jón í Instagram-sögu sinni í gær.
„Þessi drottning gaf mér geggjaðan afmælisdag,“ skrifar Jón við mynd af eiginkonu sinni haldandi um óléttubumbuna, en poppstjarnan fagnaði 33ja ára afmæli sínu í gær.
Fyrir eiga Jón og Hafdís tvö börn, stúlku og dreng, en parið hefur verið saman í sextán ár. Þau gengu í það heilaga í fyrra að viðstöddu margmenni.
Jón hélt meðal annars upp á afmælisdaginn með tvíburasystur sinni, Hönnu Borg. Hann birtir mynd af þeim systkinum á Instagram og virðist Hanna einnig vera ólétt. Þvílík hamingja.
Fókus óskar Jóni, Hafdísi og fjölskyldu til hamingju með nýjustu viðbótina í fjölskylduna.