fbpx
Laugardagur 24.ágúst 2019  |

DV - Frjáls og óháður miðill

Tekjublað 2019  Sjá allt

Fókus

Kjóll Bjarkar í uppáhaldi – „Það var ráðist í þetta af fullri hörku“

Tómas Valgeirsson
Þriðjudaginn 30. október 2018 10:00

Ekki missa af Helstu tíðindum dagsins í pósthólfið þitt

Lesa nánar

Veitingastaðurinn Hard Rock Café Reykjavík tilheyrir einni stærstu keðju heims og fagnar öðru ársafmæli sínu í dag. Keðjan rekur 202 staði í 71 landi, þar af 168 veitingahús, 23 hótel og 11 spilavíti.

Á Íslandi var Hard Rock áður rekið í Kringlunni frá árinu 1987 en þá var það Tómas Tómasson, betur þekktur sem Tommi á Búllunni, sem opnaði staðinn. Árið 1999 var það Gaumur hf, eignarhaldsfélag Bónusfeðga, sem keypti staðinn og rak hann til lok maí ársins 2005.

„Tíminn hefur liðið ógurlega hratt frá því að við byrjuðum. Það var rosalegt ár sem við gengum í gegnum í fyrra,“ segir Stefán Magnússon, framkvæmdastjóri staðarins sem stendur nú við Lækjargötu.

Stefán ræðir um veginn að baki og segir hann ýmislegt hafa ekki farið eftir óskum í upphafi. „Það einfaldlega bilaði allt sem gat bilað og lak allt sem gat lekið, en það var ráðist í þetta af fullri hörku og hafðist þetta allt á endanum.“

Stefán bætir við að í tilefni stóra dagsins fylgi eftirréttur í boði hússins með hverjum keyptum aðalrétti. Einnig stendur til að vera með tónleikahöld fram í helgina ásamt uppistandi. Það fylgir hefð staðarins að bjóða upp á ýmis konar herlegheit en í þeim málum segir framkvæmdastjórinn ekki hafa vantað upp á fjölbreytnina. „Kjallarinn hjá okkur er í stanslausri notkun af ýmsu tónlistarfólki og skemmtikröftum. Þetta hefur gengið prýðilega síðan við opnuðum og er alltaf nóg að gera,“ segir Stefán.

Hard Rock á eitt stærsta rokk- og poppminjasafn heims sem er til sýnis á stöðum fyrirtækisins víðs vegar um heiminn. „Þegar maður leggur í svona ævintýri er að sjálfsögðu nauðsynlegt að vera með gott safn. Þetta er jafnframt stærsta tónlistarsafn sem til er í heiminum. Við gerðum Excel-skjal yfir minjagripi sem okkur langaði í þegar staðurinn var að opna. Það gekk vissulega ekki að fá það allt saman en við fengum alveg veglegt safn á endanum.“

Meðal þess sem er að finna á Hard Rock Cafe Reykjavík er kjóll Bjarkar Guðmundsdóttur, loðfeldur Lady Gaga, pels frá Rihönnu, jakki Beyoncé, gítar Bon Jovi, trommusett Smashing Pumpkins og fleiri munir sem hafa vakið athygli gesta og gangandi. Að mati Stefáns er kjóll Bjarkar og trommusettið í sterku uppáhaldi af því sem prýðir veggi staðarins.

Stefán segir það hafa verið mikla áskorun þegar verkefni um að opna Hard Rock á ný bauðst honum og hans teymi. „Það var farið með fulla hörku í gegnum þetta,“ segir hann. „Væntingarnar voru gríðarlega miklar þegar við fengum þetta verkefni. Hard Rock er ein af 10 stærstu keðjum heims og fylgja henni miklar kröfur.“

Staðurinn við Lækjargötu er 1000 fermetrar að stærð og tekur 168 manns í sæti á efri hæð staðarins. Samkvæmt framkvæmdastjóranum stóð alltaf til að opna staðinn miðsvæðis í hjarta Reykjavíkur, en hann vill meina að þar hefur tónleikahald farið síminnkandi. „Okkur fannst vanta almennilegan tónleikastað í miðbænum, enda búið að loka þeim flestum í dag,“ segir hann og bætir þá við: „Þá er bara að bíða eftir fleiri bílastæðum og þá verður allt eins og það á að vera.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Barnavikan mikla – Frjósemi Íslendinga í hámarki

Barnavikan mikla – Frjósemi Íslendinga í hámarki
Fókus
Fyrir 2 dögum

Lítt þekkt ættartengsl – Spéfuglinn og Samfylkingarhjónin

Lítt þekkt ættartengsl – Spéfuglinn og Samfylkingarhjónin
Fókus
Fyrir 2 dögum

Tekjublað DV: Hildur Eir á krossgötum – Sorg og skipbrot

Tekjublað DV: Hildur Eir á krossgötum – Sorg og skipbrot
Fókus
Fyrir 2 dögum

Umdeildur fótboltalæknir

Umdeildur fótboltalæknir
Fókus
Fyrir 3 dögum

Fjallið Hafþór Júlíus lang launahæstur íþróttamanna – Eyddi fúlgu í hárígræðslur

Fjallið Hafþór Júlíus lang launahæstur íþróttamanna – Eyddi fúlgu í hárígræðslur
Fókus
Fyrir 3 dögum

Demi Lovato fer með hlutverk í Eurovision-mynd Will Ferrell

Demi Lovato fer með hlutverk í Eurovision-mynd Will Ferrell
Fókus
Fyrir 4 dögum

Tanja Ýr lepur dauðann úr skel – Langt undir lágmarkslaunum: „Ég styð ekki fréttamennsku“

Tanja Ýr lepur dauðann úr skel – Langt undir lágmarkslaunum: „Ég styð ekki fréttamennsku“
Fókus
Fyrir 4 dögum

Sjáðu myndband: Fór í klippingu í fyrsta skipti í fimmtán ár

Sjáðu myndband: Fór í klippingu í fyrsta skipti í fimmtán ár