Andri Geir Jónasson mætti í skemmtilegum búningi í sameiginlegt búningapartý hjá Heilbrigðisvísindasviði Háskóla Íslands á föstudag. Andri Geir mætti í partýið klæddur sem Braggi og auðvitað voru rándýr strá með í för.
Andri segir að öllum í partýinu hafi fundist búningurinn sniðugur, það sama var ekki upp á teningnum þegar hann fór niður í bæ.
„Þar var bragganum ekki hleypt inn neins staðar. Svo endaði þetta á því að reiðar miðaldra konur hreittu allskonar í braggann, héldu fram allskonar pólitískum skoðunum um hann og reyndu að kremja og eyðileggja,“ segir Andri í samtali við Nútímann.
Hann segir að hann hafi gefist upp að lokum og gefið ónefndum túrista braggabúninginn en sá aðili hafði litla hugmynd um hvað væri í gangi.
„Hann labbaði inn í nóttina og þannig urðu endalok braggans.“
Ég er stóra braggamálið.#Heilóvín18 pic.twitter.com/uDquzqKUvS
— Andri Geir Jónasson (@Aggi700) October 26, 2018