Við höldum áfram yfirferð okkur yfir eftirminnileg atvik í íslensku sjónvarpi og nú vindum við okkur að augnablikunum sem fóru á annan veg en áætlað var. Sum þessara atvika eru þekktari en önnur, en öll eiga þau það sameiginlegt að framkalla hlátrasköll áhorfenda, allavega í flestum tilvikum.
Sjá einnig: Eftirminnileg atvik í íslensku sjónvarpi.
Alþingismaðurinn Brynjar Níelsson fór á kostum í sjónvarpsviðtali árið 2014 þegar hann var spurður hvort hann væri ekki svekktur að vera ekki skipaður innanríkisráðherra.
„Nei, ég er ekki fýlugjarn maður þó útlitið sé eins og það er,“ sagði Brynjar við fréttamanninn sem gat ekki haldið aftur af hlátrinum. Þá fór Brynjar líka að hlæja. Þegar fréttamaður sagðist þurfa að byrja viðtalið aftur spurði Brynjar hvort hann ætti að sleppa fyrrnefndum brandara. Fréttmaðurinn sagði svo ekki þurfa.
„Þú mátt ekki hlæja aftur þá,“ sagði Brynjar. Allt kom fyrir ekki og náði Brynjar ekki að hafa hemil á sér eins og sést í meðfylgjandi myndbandi.
Eitt þekktasta klúður íslenskrar sjónvarpssögu, ef klúður skildi kalla, er þegar Brynhildur Ólafsdóttir gat ekki hamið hlátrasköllin eftir að Logi Bergmann Eiðsson flutti frétt um forseta Túrkmenistan, Gurbanguly Berdimuhamedow. Næsta frétt var háalvarleg frétt um Baugsmálið, sem varð allt svo spaugilegt í meðförum Brynhildar.
Fyrrnefndur Logi er náttúrulega hokinn af reynslu og lét það ekki á sig fá fyrir nokkrum árum þegar fréttatími Stöðvar 2 var í ruglinu.
„Já, þessi frétt er ekki tilbúin, ekki frekar en aðrar fréttir svo sem hjá okkur í dag,“ sagði Logi þegar allt gekk á afturfótunum og bætti við:
„Ég veit eiginlega ekki alveg hvað ég á að gera við ykkur.“
Veðurfréttamaður RÚV pirraðist örlítið þegar eitthvað klikkaði í beinni útsendingu með frekar spaugilegri útkomu.
Una Sighvatsdóttir, þáverandi fréttakona Stöðvar 2 vissi alls ekki að hún væri í beinni fyrr en tökumaðurinn bókstaflega öskraði á hana að tala.
Ragnhildur Steinunn Jónsdóttir opnaði Kastljós í miðju Eyjafjallagosi og fór með langa rullu um gosið og afleiðingar þess. Eitthvað var tökumaðurinn ekki alveg með á nótunum og þurfti Ragnhildur að halda ró sinni á meðan hún elti myndavélina. Fagmannlega gert.
Páll Magnússon, þáverandi útvarpsstjóri RÚV, bjóst ekki við þessari mynd þegar hann gaf boltann yfir á stjórnendur Kastljóss. Í staðinn fékk hann það sem minnir helst á tónlistarmyndband með Wham!
Ingólfur Bjarni Sigfússon og Svavar Halldórsson voru hálf ringlaðir í frétt um Icesave á RÚV þegar myndavélin flakkaði um allar trissur.
Og aftur kemur Ingólfur Bjarni við sögu þegar hann missti bókstaflega röddina í beinni útsendingu.
Eitthvað fannst Snorra Má Skúlasyni, þáverandi íþróttafréttamanni, nafn markmannsins Henrique Hilário fyndið. Svo sem ekki furða.
Munið þið þegar Svanhildur Hólm og Sölvi Tryggvason fengu hláturskast í Íslandií dag?
Eða þegar Sigmar Guðmundsson gat ekki hætt að hlæja í Útsvari?
Fréttmaðurinn Tryggvi Aðalbjörnsson á eflaust ein fyndnustu mismæli Íslandssögunnar þegar hann sagði frétt um lekamálið á RÚV. Kallaði hann Hönnu Birnu Kristjánsdóttur, þáverandi innanríkisráðherra, ráðherfu í beinni útsendingu. þann 12. nóvember árið 2014
Leikarinn heitni Stefán Karl Stefánsson mætti í Kastljós fyrir nokkrum árum til að ræða velgengni sína sem Trölli og Glanni glæpur. Einhvern langaði í vatn leikarans og fór svo að hann braut glasið í beinni.
Svo er alltaf fyndið þegar fréttamenn vita ekki að enn er kveikt á hljóðnemanum. Við gefum Ingólfi Bjarna enn og aftur orðið:
Arnar Björnsson, íþróttafréttamaður, fær svo að ljúka samantektinni, en hann missti algjörlega af því þegar skipt var á hann í beinni útsendingu:
