Kraftajötuninn Hafþór Júlíus Björnsson hefur nú birt brúðkaupsmynd af sér með Kelsey Morgan Henson. DV greindi frá því í september að þau hefðu gengið í það heilaga, nú er það orðið opinbert á Instagram.
Sjá einnig: Hafþór gifti sig og fór í milljóna króna hárígræðslu
Hafþór Júlíus hefur staðið af sér ýmsa storma, bæði í kraftakeppnum og einkalífinu. Hann gerði sér lítið fyrir og stóð uppi sem sigurvegari í baráttu um titilinn Heimsins sterkasti maður í vor, en áður hafði fyrrverandi sambýliskona hans ásakað hann um heimilisofbeldi. Vísaði Fjallið þeim ásökunum hins vegar alfarið á bug.
„Það er með mikilli ánægju að ég get nú kallað Kelsey Morgan Henson eiginkonu mína,“ segir Hafþór Júlíus á Instagram. „Ég fæ að halda á þessari fallegu konu í gegnum súrt og sætt það sem eftir er ævi okkar! Ég er svo spenntur fyrir öllum ævintýrunum okkar sem við tæklum í sameiningu.“
Líkt og DV greindi frá í september ríkti leynd yfir ráðahagnum, munu hjónin hafa undirritað samning, sem meðal annars innihélt ákvæði um ásakanir og varnir gegn þeim.
