fbpx
Þriðjudagur 19.mars 2019

DV - Frjáls og óháður miðill

Fókus

Margir minnast Ómars: „Toppeintak af manni, hlýr, góður og með yndislega nærveru“

Ragna Gestsdóttir
Mánudaginn 15. október 2018 18:30

Ekki missa af Helstu tíðindum dagsins í pósthólfið þitt

Lesa nánar

Ómar Friðleifsson, rödd Sambíóanna og dreifingarstjóri hjá Samfilm lést á laugardag eftir hetjulega baráttu við krabbamein. Hann var 48 ára. Margir vina og samstarfsfélaga Ómars minnast hans með hlýhug og fallegum orðum á Facebook, en Ómar var toppmaður með góða nærveru og hafsjór af fróðleik um kvikmyndir og tónlist.

Útvarpsmaðurinn Heiðar Austmann á K100 vonast til að rödd Ómars muni hljóma sem lengst í Sambíóunum: „Góðvinur minn Ómar Friðleifsson er fallinn frá eftir hetjulega baráttu við krabbann. Ommi var svo mikið toppeintak af manni, hlýr, góður og með yndislega nærveru. Reglulega fékk maður tónlistarsnöpp frá Ommanum þar sem hann var að benda manni á geggjaðar útgáfur af þekktum lögum og þótti mér alltaf vænt um að heyra frá honum. Vonandi helst röddin þín sem lengst í Sambíóunum því hún hlýjar manni um hjartarætur og rifjar upp góðar minningar. Guð geymi þig vinur minn og votta ég öllum aðstandendum mínar dýpstu samúðarkveðjur. Liverpool kveðjur. YNWA!!“

Geir Flóvent Jónsson plötusnúður minnist vinar síns með hlýhug: „Góður vinur minn og félagi Ómar Friðleifsson lést í gær eftir erfiða en hetjulega baráttu við krabbamein. Hvíl í friði elsku vinur. Innilegar samúðarkveđjur til eftirlifandi eiginkonu  og sona þeirra. Megi Guð veita ykkur styrk á þessum erfiðu tímum.“

„Hvíl í friði elsku yndislegi Ommi minn,“ skrifar söngkonan Svala Björgvins.

Árni Samúelsson eigandi Sambíóanna birtir skemmtilega mynd frá opnun Bíóhallarinnar árið 1982, þar sem sjá má Ómar fremstan í hópi spenntra bíógesta.

„Opnun Bíóhallar Álfabakka 2. mars 1982. Hér fremst a myndinni er Ómar Friðleifsson þá 12 ára. Hann lést i gær eftir mikla baráttu við vágestinn krabbamein. Elsku Ommi minn. Guð blessi þig og ég þakka þér fyrir allt sem þú gerðir fyrir okkur hjá Sammyndum og Sambióunum. Þú varst hafsjór af fróðleik um kvikmyndir og tónlist.. Þin verður sárt saknað á skrifstofunni. Kveðja frá okkur öllum.“

Konstantín Mikaelsson framkvæmdastjóri kvikmyndasviðs Senu segir að aldrei hafi slest upp á vinskap þeirra Ómars á 30 árum:

„Góður vinur minn hann Ómar er fallinn frá eftir erfiða baráttu við þennan ömurlega sjúkdóm sem krabbameinið er. Við Ómar höfðum þekkst og verið góðir vinir í um 30 ár og þá einna helst í gegnum okkar bransa. Þótt við höfum ansi oft ekki séð hlutina sömu augum, deilt og rifist um gæði bíómynda, markaðssetningar þeirra og aðsóknartölur, þá var það alltaf í gamni gert og aldrei slettist upp á „vínskápinn“. Kæri vinur, þín verður svo sannarlega sárt saknað. Svala og fjölskylda, ykkur votta ég mína innilega samúð við fráfall þessa klára og skemmtilega manns. Guð geymi þig elsku vinur.“

DV sendir ættingjum og vinum Ómars innilegar samúðarkveðjur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”
Fókus
Fyrir 2 dögum

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna
Fókus
Fyrir 2 dögum

Jóhann hefur myndað akstursíþróttir í áratugi

Jóhann hefur myndað akstursíþróttir í áratugi
Fókus
Fyrir 2 dögum

Frægir Íslendingar á fermingardaginn

Frægir Íslendingar á fermingardaginn
Fókus
Fyrir 3 dögum

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“
Fókus
Fyrir 3 dögum

5 sem hefðu getað tekið við sem dómsmálaráðherra

5 sem hefðu getað tekið við sem dómsmálaráðherra
Fókus
Fyrir 4 dögum

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“
Fókus
Fyrir 4 dögum

Fókus býður í bíó – Þorir þú á eina umtöluðustu hrollvekju ársins?

Fókus býður í bíó – Þorir þú á eina umtöluðustu hrollvekju ársins?