fbpx
Sunnudagur 16.júní 2019

DV - Frjáls og óháður miðill

Fókus

Listamannaspjall með Detel Aurand og Claudia Hausfeld – Unnur Jökulsdóttir með upplestur

Ragna Gestsdóttir
Fimmtudaginn 11. október 2018 10:30

Ekki missa af Helstu tíðindum dagsins í pósthólfið þitt

Lesa nánar

Nýlistasafnið býður í kvöld kl. 20 til útgáfuhófs bókarinnar We are Here eftir Detel Aurand í Marshallhúsinu. Í tilefni útgáfunnar ræðir Claudia Hausfeld við Detel Aurand um verk hennar og Unnur Jökulsdóttir les upp úr We are Here. Listamannaspjallið mun fara fram á ensku. Í tengslum við útgáfuna má sjá örsýningu á verkum Detel Aurand í anddyri Nýlistasafnsins fram til 16. október.

Upphaf og endir, svart og hvítt, anda inn og anda út, elli og æska – og allt þar á milli. Þessi bönd, oft utan okkar sjónsviðs, kannar þýski listamaðurinn Detel Aurand í bókinni We are Here. Bókin spannar verk unnin í ýmsa miðla frá síðustu tuttugu árum, ljósmyndir frá persónulegu safni listamannsins sem og sjálfsævisögulegum texta um fjarsamband hennar og maka hennar, Jóns Sigurgeirssonar (1909-2003) sem þau áttu í á milli Íslands og Berlínar. Eins og titillinn gefur til kynna hverfist We are Here um tímaskynið. Getum við skyggnst inn í núið? Hvað er sýnilegt og hvað leynist í skugganum? Bókin er jafn persónuleg og hún er algild og fjallar um það hvernig hlutir og atburðir í heiminum tengjast og hvernig mörk og landamæri, sem virðast vera til staðar, leysast upp þegar við komumst í kynni við tímalausa fegurð.

 

Detel Aurand (f. 1958) býr og starfar í Berlín, Þýskalandi. Sem teiknari, myndlistarmaður, skúlptúristi, rithöfundur og kvikmyndagerðarmaður beitir hún fjölbreyttum aðferðum í listsköpun sinni. Verk hennar vitna í sambönd þar sem einföld og flókin fyrirbæri mætast, svo sem stöðugleiki og hreyfing, rúmfræði og líffræði, tví- og þrívídd.  Fjörugur léttleiki einkennir öll hennar verk. Frá 1983 til 2003 bjó Detel Aurand ýmist á Íslandi og í Berlín.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 4 dögum

Bíómyndin sem er að gera allt vitlaust: Fólk stóð upp og gekk út af frumsýningunni

Bíómyndin sem er að gera allt vitlaust: Fólk stóð upp og gekk út af frumsýningunni
Fókus
Fyrir 5 dögum

Saga Pólverja á Íslandi heillaði dómnefnd upp úr skónum

Saga Pólverja á Íslandi heillaði dómnefnd upp úr skónum
Fókus
Fyrir 6 dögum

Vikan á Instagram: „Vaknaði mjög heit i morgun“

Vikan á Instagram: „Vaknaði mjög heit i morgun“
Fókus
Fyrir 6 dögum

Yfirheyrslan: Þórður Helgi Þórðarson – „Ég var 20 ára gamall, skíthræddur við lífið“

Yfirheyrslan: Þórður Helgi Þórðarson – „Ég var 20 ára gamall, skíthræddur við lífið“