fbpx
Föstudagur 24.maí 2019

DV - Frjáls og óháður miðill

Fókus

Eyrún Ósk flytur Ljóða-hugleiðslu um frið og kærleika

Ragna Gestsdóttir
Fimmtudaginn 11. október 2018 08:30

Ekki missa af Helstu tíðindum dagsins í pósthólfið þitt

Lesa nánar

Í dag kl. 20, í friðarviku Reykjavíkurborgar, stendur Eyrún Ósk Jónsdóttir, skáld og leikkona fyrir friðar-ljóðagjörning í Menningarsetri SGI búddistasamtakanna Laugavegi 178. 

Um er að ræða eins konar ljóða-hugleiðslu þar sem flytjandinn leiðir áhorfendur í einskonar kyrrðar ferðalag með ljóðaupplestri en öll ljóðin fjalla um frið og kærleika og sannkölluð kyrrðar tónlist ómar undir upplestrinum. Áhugaverð og nýstárleg tilraun með ljóðlistina.

Leikstjóri er Hildur Kristín Thorstensen en tónlistina samdi Viktor Aron Bragason. Öll ljóðin eru eftir Eyrúnu Ósk Jónsdóttur.

Verkið var áður flutt á alþjóða friðardaginn í Fríkirkju Hafnarfjarðar og á fjáröflunarkvöldverði hjá Múltíkúltí.

,,Það hljómar kannski eins og þversögn en mér sýnist sem fátt sé meira ögrandi og krassandi en umræða um frið, ást og kærleika. Við getum verið svo ótrúlega hrædd við allt sem gæti talist væmið og einlægt, tengjum það jafnvel við heimsku og barnalega heimsmynd. Í heimi þar sem normalisering á hatursorðræðu og óttaáróðri fer vaxandi skal ég halda áfram að ögra með minni persónulegu hjarta- og kærleiksbyltingu og tala skammlaust fyrir friði ást og kærleika,“ segir Eyrún Ósk.

 

Hildur, Eyrún Ósk og Viktor.

Eyrún Ósk hlaut bókmenntaverðlaun Tómasar Guðmundssonar

Eyrún Ósk Jónsdóttir skáld vann bókmenntaverðlaun Tómasar Guðmundssonar árið 2016 og hlaut í ár starfsstyrk úr Höfundasjóði RSÍ. Eyrún á baki feril sem rithöfundur, leikari og leikstjóri. Hún hefur sent frá sér fjórar skáldsögur, eina myndskreytta barnabók og fjórar ljóðabækur. Hún hefur skrifað fjölda leikrita sem hafa verið sett upp í leikhúsum hérlendis og erlendis auk þess sem hún hefur skrifað kvikmyndahandrit, greinar, fyrirlestra og útvarpserindi.

Hildur Kristín Thorstensen leikstjóri útskrifaðist af listabraut frá Fjölbrautarskólanum í Garðbæ árið 2014 og fór því næst til Huittinen í Finnlandi í sviðslistarnám við Länsi-Suomen opisto og loks í leiklistarnám við Cours Florent í París. Nú er hún í námi við Söngskólann í Reykjavík og stefnir á að klára 8. stigið. Í fyrra gaf hún út fyrstu ljóðabók sína Hugljúfar minningar. Friðar-ljóðagjörningurinn er fyrsta leikstjórnar verkefnið hennar eftir leiklistarnámið.

Viktor Aron Bragason tónsmiður er tónlistarmaður sem hefur meðal annars samið tónlist fyrir leikhús, stuttmyndir, dansverk ofl. Hann hefur spilað í fjölda hljómsveita en spilar nú með hljómsveitinni Beware the Blue Sky.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Baltasar óþekkjanlegur: „Þegar fólk sér mann þá kviknar einhver áhugi“

Baltasar óþekkjanlegur: „Þegar fólk sér mann þá kviknar einhver áhugi“
Fókus
Í gær

Blaðamaður Jerusalem Post gerir stólpagrín að Hatara: „Ísland hefði átt að vinna Eurovision [Háðsádeila]“

Blaðamaður Jerusalem Post gerir stólpagrín að Hatara: „Ísland hefði átt að vinna Eurovision [Háðsádeila]“
Fókus
Fyrir 2 dögum

Tannlæknir heldur tónleika – Minnkar lætin í tannlæknabornum með söng

Tannlæknir heldur tónleika – Minnkar lætin í tannlæknabornum með söng
Fókus
Fyrir 2 dögum

Stjörnuparið Channing Tatum og Jessie J á Íslandi

Stjörnuparið Channing Tatum og Jessie J á Íslandi
Fókus
Fyrir 3 dögum

„Áreitnin er síðustu dauðateygjur þeirra til að toga mig niður“

„Áreitnin er síðustu dauðateygjur þeirra til að toga mig niður“
Fókus
Fyrir 3 dögum

Matthías um góðan árangur Hatara: „Almenningsálitið getur sveigst í skuggalegar áttir“

Matthías um góðan árangur Hatara: „Almenningsálitið getur sveigst í skuggalegar áttir“
Fókus
Fyrir 3 dögum

John Oliver fjallar um Hatara: „Ég myndi elska að eyða öllu kvöldinu að tala um Hatara“

John Oliver fjallar um Hatara: „Ég myndi elska að eyða öllu kvöldinu að tala um Hatara“
Fókus
Fyrir 4 dögum

Einar Páll, Kristján og Sísí taka magnaða ábreiðu af Shallow – Sjáðu myndbandið

Einar Páll, Kristján og Sísí taka magnaða ábreiðu af Shallow – Sjáðu myndbandið