Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þessum fjallar hún um það hvernig við eigum að læra af mistökum okkar.
Ef þú hrasar er ekkert annað í stöðunni en að standa upp aftur og halda áfram að setja annan fótinn fram fyrir hinn.
Við lærum af hverjum marblett.
Hverri kúlu á hausinn.Sama gildir um nýjar heilsuvenjur eins og hreyfingu og mataræði.
Við lærum af hverri hrösun.
Þegar við borðuðum okkur stappfull og þurftum að hringja í Neyðarlínuna.
Þegar við gáfum skít í vekjaraklukkuna og sváfum á okkar græna frekar en að rífa í lóð.Notum atvikin sem endurgjöf og æfingu.
Notum hvert fall sem bensín til að standa upp, hysja brókina og halda áfram.
Eitt skref í einu.