fbpx
Þriðjudagur 25.júní 2019

DV - Frjáls og óháður miðill

Orðið á götunni

Simmi Vill og Óli Valur

Fókus

Stórstjarna norskra barnabókmennta kemur til Íslands: Útgáfuhóf á þriðjudag

Ágúst Borgþór Sverrisson
Mánudaginn 1. október 2018 16:24

Ekki missa af Helstu tíðindum dagsins í pósthólfið þitt

Lesa nánar

Útgáfuhóf vegna barnabókarinnar Markmaðurinn og hafið verður haldið í Norræna húsinu á þriðjudag kl. 16 til 18. Höfundurinn er hin norska Maria Parr, sem er fædd árið 1981 en fyrsta bók hennar, Vöffluhjarta, kom út árið 2005. Hún sló síðan í gegn með bókinni Tonje Glimmerdal árið 2009 og fékk fjölda verðlauna fyrir hana.

Bækur Mariu Parr hafa verið þýddar á fjölda tungumála og hún hefur unnið til verðlauna í mörgum löndum. Mariu Parr hefur verið líkt við bæði Jóhönnu Spyri, höfund Heiðubókanna, og Astrid Lindgren. Maria Parr er frá Diskå í Vanylven. Hún er með meistaragráðu í norrænum bókmenntum frá Háskólanum í Bergen og er menntaður kennari.

Fyrr í þessum mánuði fékk Maria Parr bókmenntaverðlaun samtaka norskra skólabókasafna 2018. Nýjasta bók Mariu Parr, Markmaðurinn og hafið, sem kom út í Noregi haustið 2017, hlaut Brageverðlaunin 2017.

Sem fyrr segir verður bókin kynnt í Norræna húsinu á þriðjudag frá kl. 16 og höfundur verður viðstaddur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af