Klukkan 3 í nótt, að íslenskum tíma, héldu 19 kafarar inn í Tham Luang hellinn í Taílandi til að sækja fjóra drengi og 25 ára þjálfara þeirra. Þar höfðu þeir setið fastir í rúmlega tvær vikur. Nú hefur öllum verið bjargað. Er það ótrúlegt þrekvirki. Kraftaverk segja sumir. Sigur mannsandans segja aðrir.
En mitt í allri gleðinni syrgja ættingja Saman Kunan þann merka mann. Saman Kuman sá um að flytja súrefni til drengjanna. Á leiðinni til baka varð hann súrefnislaus og lést. Kunan sem eitt sinn starfaði fyrir tælenska sjóherinn var þó hættur störfum en ákvað að bjóða fram hjálp sína.
„Við munum koma með krakkana heim,“ voru ein hans síðustu orð líkt og sjá má í myndskeiði hér fyrir neðan. Þórarinn Þórarinsson blaðamaður á Fréttablaðinu minnist stuttlega á björgunina á samskiptamiðlum. Þórarinn segir: „Björgunarafrekið í Taílandi er ekki kraftaverk og engin ástæða til þess að tala það niður með slíku klisjuhjali. Drengjunum var bjargað með hugviti, hugrekki, fórnfýsi og ósérhlífni. Dýrmætt dæmi um sigur mannsandans þegar hann rís sem hæst“
Þá segir Þórarinn: „Gleymum ekki Saman Kunan í gleði dagsins.“
Hér má sjá stutt viðtal við hina föllnu hetju.
