Sandkorn DV:
Í gær staðfesti Svanhildur Hólm Valsdóttir, aðstoðarmaður fjármálaráðherra og fjölmiðlakona, loksins að hún hefði sótt um stöðu útvarpsstjóra RÚV. Þetta hafði mörgum grunað og var talið enn líklegra þegar hún neitaði að tjá sig.
Þeir sem þekkja hvernig kaupin gerast á eyrinni vita að Svanhildur hefði ekki sótt um starfið nema það væri næsta öruggt að hún fengi það. Innan stjórnkerfisins kallast það að „headhunta“, sem þýðir að umsóknarferlið er opið öllum en svo er haft samband bak við tjöldin við réttan aðila og sagt „þú færð starfið ef þú sækir um“.
Það áhugaverðasta við umsókn Svanhildar er þó hvað það þýði fyrir Bjarna Benediktsson. Hún hefur verið hægri hönd hans um árabil og þeir sem þekkja til segja að hann megi ekki missa hana. Tja, nema að hann sé að hætta í stjórnmálum. Landsfundur Sjálfstæðisflokks er áætlaður í vor, mars líklega.