Hlaðvarp Eyjunnar

Bandaríkin hafa borgað fyrir varnir Evrópu, Japans, Suður-Kóreu og víðar og á sama tíma og ýmsir innviðir eru í molum vestra skilja bandarískir skattgreiðendur ekki hvers vegna þeirra skattpeningar fara í varnir annarra þjóða.

ETS verður eitt af forgangsmálunum þegar við Íslendingar semjum um aðild að ESB. Þar eigum við samleið með t.d Spánverjum sem hafa sömu hagsmuni þegar kemur að Kanaríeyjum og fjarlægð þeirra frá meginlandi Evrópu.

Í heimi þar sem tollar eru notaðir í geopólitískum tilgangi er mikilvægt að vera ekki einn á berangri heldur vera innan öflugs tollabandalags. Evrópusambandið er tollabandalag og nú er hafið tollastríð milli stórvelda í heiminum. Einnig hafa áherslur í varnarmálum breyst mikið.

Það hefur mikið breyst frá því að við Íslendingar sóttum upphaflega um aðild að Evrópusambandinu og viðræður hófust. Afstaða ESB hefur breyst og nú er talað um að sambandið þurfi að sýna sveigjanleika gagnvart löndum eins og Íslandi, nokkuð sem var útilokað áður.

Ástæðan fyrir því að nei-sinnar reyna að blekkja með því að þjóðaratkvæðagreiðslan 29. ágúst snúist um aðild að ESB er að fleiri eru andvígir aðild en því að fara í aðildarviðræður til að fá samning á borðið.

Það er gott fyrir þjóðina að hafa stjórnmálamenn af þeim kalíber sem Kristrún Frostadóttir er. Það er mikilvægt að umræða fyrir komandi þjóðaratkvæðagreiðslu um framhald aðildarviðræðna við ESB sé hófstillt og yfirveguð.

Þegar kemur að opinberum byggingum eins og skólum, leikskólum, og húsnæði fyrir heilsutengda starfsemi getum við stytt byggingartíma mikið og sparað háar fjárhæðir á að einfalda byggingarnar, notast við einingar og forðast sérhönnun.

Verðtryggingin nýtist fasteignafélögum mjög vel vegna þess að tekjur þeirra eru að fullu verðtryggðar. Það verður mjög erfitt að gera langa leigusamninga án verðtryggingarinnar. Á móti kemur að vextir eru mun hærri hér en annars staðar.

Íslensk fasteignafélög hafa forskot á erlend félög vegna þess að aðgengi íslensku félaganna að stöðugri langtímafjármögnun er betra en hinna erlendu. Íslensku félögin fjármagna sig til langs tíma með verðtryggðum lánum og hafa allar sínar tekjur verðtryggðar á móti.

Fasteignafélagið Reitir hefur fram til þessa einbeitt sér að atvinnuhúsnæði en hyggst nú víkka út starfsemina. Einn þáttur þess er að umbreyta atvinnuhúsnæði í íbúðir. Þá horfir félagið til þess að vera með uppbyggingu í sambandi við heilbrigðisþjónustu, þjónustu við aldraða og skóla.

Guðni Aðalsteinsson, forstjóri fasteignafélagsins Reita, hefur áhuga á að útvíkka starfsemi félagsins og sér framtíðina fremur sem vettvang þekkingar- og þróunarfyrirtækis, sem tekur til sín stærri hluta virðiskeðjunnar en nú.

Nei-hópurinn hefur verið háværari en já-hópurinn en fyrir því er góð ástæða. Skilaboð já-hópsins eru einföld og mjög skýr og snýst um að þjóðin veiti umboð til að setjast við samningaborðið.

Neikvæðnin og bölmóðurinn í nei-sinnum minnir helst á manninn sem fór upp að bóndabæ til að fá lánaðan tjakk vegna þess að það var sprungið hjá honum og engan hafði hann tjakkinn.

Eini mælikvarðinn á það hvort aðild að ESB hafi reynst ríkjum vel er hversu ánægt fólkið í ríkjunum er með aðildina og í ríkjum ESB er fólkið hæstánægt, líka þar sem mjótt var á munum við inngöngu. Sums staðar er ánægja með aðild meira en 90%.

Áfram Ísland hreyfingin byggist á fyrirtækjum og stjórnendum sem veðja með verðbólgunni og gegn íslenskum almenningi. Fasteignafélagið Heimar, sem Halldór Benjamín Þorbergsson, einn helsti forsvarsmaður Áfram Ísland, hagnast um 900 milljónir króna fyrir hvert prósentustig sem verðbólgan hækkar.

Á sama tíma og forystufólk Evrópusambandsins er mjög jákvætt gagnvart framhaldi aðildarviðræðna Íslands við sambandið og gefur til kynna að ríkt tillit verði tekið til sérstöðu Íslands, ekki síst í sjávarútvegi, hamast Sjálfstæðisflokkurinn, Samtök fyrirtækja í sjávarútvegi og Morgunblaðið við að fi…