fbpx
Þriðjudagur 18.febrúar 2025
EyjanFastir pennar

Óttar Guðmundsson skrifar: Handboltaharmur

Eyjan
Laugardaginn 1. febrúar 2025 06:00

Getty Images

Ekki missa af Helstu tíðindum dagsins í pósthólfið þitt

Lesa nánar

Fyrir margt löngu bjó ég um árabil í Gautaborg á vesturströnd Svíþjóðar. Á þessum tíma var algengt að íslensk handboltalið færu til Lundar eða Malmö til að leika við heimamenn í einhverjum Evrópukeppnum. Við fórum alltaf til að sjá þessa leiki í bílalest með blaktandi íslenskum fánum og nokkrum kössum af bjór og Gammeldansk. Mikið var drukkið og sungið í þessum ferðum og gífurleg stemming þegar við komumst loksins upp á áhorfendapallana. Venjulega sigruðum við glæsilega keppnina við Svíana í hvatningarópum og öskrum en inni á vellinum gekk venjulega allt á afturfótunum. Leikir sem voru fyrir fram unnir töpuðust með miklum mun. Heimferðin var venjulega dapurlegri en orð fá lýst. Engir fánar og bjórinn búinn og allir svekktir og sárir yfir þessu langa og tilgangslausa ferðalagi.

Síðan þá hef ég alltaf haft ímugust á handbolta og æðinu sem skapast í kringum árvissar keppnir í janúar. Íslenska landsliðið virðist á pappírnum vera firnasterkt með atvinnumenn í hverri stöðu. Verðlaun eru ávallt í sjónmáli. Venjulega gengur allt í haginn í byrjun en síðan kemur ögurstund keppninnar þegar okkar menn fara á taugum. Allt leikskipulag gleymist og þrautþjálfaðar handboltakempur hlaupa stefnulaust um völlinn og tapa stórt. Þetta er kallað vondi leikkaflinn eða hálfleikurinn þegar allt fer í skrúfuna. Að leik loknum er þjálfarinn niðurdreginn en segist hafa séð margt jákvætt inni á vellinum þrátt fyrir stórt tap. Liðið og áhorfendaskarinn fara heim með skottið milli lappanna eins og við gerðum forðum í Svíþjóð. Nú þarf þjóðarátak þar sem safnað er saman sjáendum, galdrakerlingum, seiðfólki og töframönnum sem geta soðið saman einhverja lausn á vandamálum landsliðsins. Venjulegar aðferðir íþróttasálfræði og atferlisfræði duga ekki lengur svo að við verðum að leita til álfa og huldufólks um ráð. Þetta árvissa handboltaáfall er farið að skaða þjóðarímyndina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 vikum

Óttar Guðmundsson skrifar: Nýr naflastrengur

Óttar Guðmundsson skrifar: Nýr naflastrengur
EyjanFastir pennar
Fyrir 3 vikum

Vilhjálmur Birgisson skrifar: Ósanngjörn gagnrýni á kjarasamninga – ábyrgðin er allra!

Vilhjálmur Birgisson skrifar: Ósanngjörn gagnrýni á kjarasamninga – ábyrgðin er allra!
EyjanFastir pennar
16.01.2025

Vilhjálmur Birgisson skrifar: Mikilvægi faglegrar erlendrar úttektar á gjaldmiðlamálum

Vilhjálmur Birgisson skrifar: Mikilvægi faglegrar erlendrar úttektar á gjaldmiðlamálum
EyjanFastir pennar
15.01.2025

Svarthöfði skrifar: Markaðslaun fyrir kennara – hví ekki markaðskjör?

Svarthöfði skrifar: Markaðslaun fyrir kennara – hví ekki markaðskjör?
EyjanFastir pennar
11.01.2025

Óttar Guðmundsson skrifar: Þrengslin í bænum

Óttar Guðmundsson skrifar: Þrengslin í bænum
EyjanFastir pennar
09.01.2025

Þorsteinn Pálsson skrifar: Vestræn gildi andspænis lögmáli frumskógarins

Þorsteinn Pálsson skrifar: Vestræn gildi andspænis lögmáli frumskógarins