Ný könnun Prósents á fylgi stjórnmálaflokkanna var kynnt í hlaðvarpinu Spursmál rétt í þessu þar má finna nokkur tíðindi. Nær Sjálfstæðisflokkurinn nýjum lægðum og mælist með aðeins 12,3 prósent fylgi á meðan Sósíalistaflokkurinn bætir töluvert við sig. Miðflokkur heldur áfram að bæta við sig og Píratar, sem hafa mælst undir 5% í nokkrum könnunum, mælast nú með 5,7%. Þáttastjórnendur taka þó fram að þessar tölur eru í mörgum tilvikum innan vikmarka frá fyrri könnunum, nema þá helst hjá Sósíalistaflokknum og eins það að munurinn milli Viðreisnar og Sjálfstæðisflokks telst ekki lengur innan vikmarka.

Niðurstaða Prósents er eftirfarandi:

• Framsóknarflokkur – 5,8%
• Viðreisn – 17,7%
• Sjálfstæðisflokkur – 12,3%
• Flokkur fólksins – 11,5%
• Sósíalistaflokkur Íslands – 6,7%
• Lýðræðisflokkur – 1,4%
• Miðflokkur – 15,1%
• Píratar – 5,7%
• Samfylking – 21,6%
• Vinstri græn – 2,6%