Þórunn Sveinbjarnardóttir, þingkona Samfylkingarinnar, segir herferð í gangi gegn áformum um borgarlínu og greinir mótsagnir í málflutningi Sjálfstæðismanna um málið. Þetta kemur fram í aðsendri grein í Morgunblaðinu:

„Her­ferðin gegn betri al­menn­ings­sam­göng­um á höfuðborg­ar­svæðinu gef­ur reglu­lega til­efni til að líta á daga­talið: Er árið ekki ör­ugg­lega 2023? Sjálf­stæðis­menn í borg­inni fara ham­förum yfir öllu sem horf­ir til bóta í sam­göngu­kerf­inu en fé­lag­ar þeirra í ná­granna­sveit­ar­fé­lög­un­um í Krag­an­um und­ir­rituðu all­ir sem einn sam­göngusátt­mál­ann við ríkið, ein­huga um gjörn­ing­inn. Rík­is­valdið og sveit­ar­fé­lög­in á höfuðborg­ar­svæðinu gerðu með sér samn­ing. Hon­um verður ekki breytt ein­hliða, hvorki af rík­inu né sveit­ar­fé­lög­un­um.“

Þórunn reifar gildi góðra almenningssamgangna og bendir á að þær styrki innviði, bæti umferðaröryggi og minnki mengun. Kostnaður vegna framkvæmda í þágu borgarlínu séu í takti við aðrar stórframkvæmdir innan vegakerfisins:

„Kostnaðar­aukn­ing ein­stakra fram­kvæmda í borg­ar­línu­verk­efn­inu er í takti við aðrar stór­fram­kvæmd­ir inn­an vega­kerf­is­ins. Þær eru ít­rekað vanáætlaðar á und­ir­bún­ings­stigi og fara fram úr á fram­kvæmda­stig­inu. Upp í hug­ann koma sam­göngu­bæt­ur á borð við Héðins­fjarðar- og Vaðlaheiðargöng. Ég ætla ekki að mæla kostnaðar­auk­an­um bót en við vit­um hvernig hann er oft­ast til kom­inn. Verðlag og vext­ir hafa hækkað, einnig aðföng og fram­kvæmda­kostnaður al­mennt.“

Gífurleg fjölgun bíla

Þórunn bendir á að vegakerfið ræður ekki við þann fjölda bíla sem til er í landinu:

„Árið 2022 voru 287.550 fólks­bif­reiðar skráðar á land­inu en til sam­an­b­urðar voru þær 85.723 árið 2006. Þetta eru rúm­lega 200 þúsund fleiri bíl­ar en óku um vegi lands­ins fyr­ir rúm­lega 15 árum. Inni í þess­um töl­um eru ekki sendi­bíl­ar, vöru­flutn­inga­bíl­ar og hóp­bif­reiðar en í töl­unni fyr­ir síðasta ár eru rúm­lega 30.000 bíla­leigu­bíl­ar. Vega­kerfið ræður ekki við þenn­an fjölda og við sem sam­fé­lag ger­um það ekki held­ur. Það er löngu tíma­bært að horf­ast í augu við það.“

Hún segir borgarlínu vera nauðsynlega og arðbæra fjárfestingu og bendir á þróun almenningssamgangna erlendis:

„Hvert ein­asta manns­barn sem ferðast hef­ur út fyr­ir land­stein­ana veit að evr­ópsk­ar borg­ir leggja mik­inn metnað í þróun al­menn­ings­sam­gangna og hafa lengi gert. Það er ekki vegna þess að fólk í út­lönd­um sé al­mennt á móti einka­bíln­um eða telji al­menn­ings­sam­göng­ur ein­ung­is henta tekju­lág­um. Held­ur vegna þess að borg­ir sem vilja vaxa og dafna, laða til sín nýja íbúa, minnka meng­un og sporna með öll­um ráðum gegn af­leiðing­um lofts­lags­breyt­inga, þær bjóða all­ar upp á tíðar og greiðar al­menn­ings­sam­göng­ur sem þorri íbúa nýt­ir dag­lega til að kom­ast hratt og ör­ugg­lega á milli staða.

Það er ekk­ert bylt­ing­ar­kennt við borg­ar­lín­una. Hún er nauðsyn­leg og arðbær fjár­fest­ing og fram­kvæmd. Hún er í raun og veru það allra minnsta sem al­menn­ings­sam­göngu­kerfi á höfuðborg­ar­svæðinu kemst af með til að stand­ast kröf­ur sam­tím­ans. Þau sem halda öðru fram hafa greini­lega tekið sér far með Hlemmi – Fortíð.“