fbpx
Laugardagur 03.júní 2023
Eyjan

„Hvað er í gangi hjá hæstvirtri ríkisstjórn?“

Eyjan
Mánudaginn 15. maí 2023 17:04

Kristrún Frostadóttir Mynd: Baldur Kristjánsson

Ekki missa af Helstu tíðindum dagsins í pósthólfið þitt

Lesa nánar

Kristrún Frostadóttir, formaður Samfylkingarinnar, er snúin aftur á Alþingi eftir fæðingarorlof. Hún kvaddi sér hljóðs við upphaf þingfundar og gagnrýndi þá forystuleysi ríkisstjórnarinnar í þeim málum sem helst brenna á þjóðinni. Nefndi hún þá sérstaklega verðbólguna, hækkandi vexti, verkföll og stöðuna í húsnæðismálum. Kristrún kallaði eftir því að forystufólk ríkisstjórnarinnar kæmi á Alþingi í þessari viku til að svara spurningum þingmanna um þessi málefni.

Ræða Kristrúnar:

„Virðulegi forseti. Hvað er í gangi hjá hæstvirtri ríkisstjórn? Af hverju er enginn hérna að taka á þeim málum sem virkilega brenna á?

Eitt er að láta sig alþjóðamálin varða í vikunni — en hæstvirtir ráðherrar hljóta að átta sig á að slíkt kemur ekki í staðinn fyrir að sýna forystu hér heima í innanlandsmálum. Fólkið í landinu er að bíða eftir aðgerðum.

Nú er ég snúin aftur úr fæðingarorlofi og sé á dagskrá Alþingis að það er ekkert að gerast. Lítið á dagskrá, þingfundum er frestað. Og ég ætlaði að eiga hér orðastað við eitthvert af forystufólki ríkisstjórnarinnar — en ekkert þeirra ætlar einu sinni að láta sjá sig hér á Alþingi í vikunni og sitja undir svörum.

Til dæmis um verðbólgu, vexti, verkföll, húsnæðismál. Enda virðist þeim í raun líða best á meðan pólitísk umræða hverfist um mál sem snúa ekki að veruleika venjulegs fólks. Þó að efnahags- og velferðarmálin séu efst í huga fólks þessa dagana.

Forseti, það er eins og ríkisstjórnin hafi gefist upp, yfirgefið Alþingi og stóru efnahags- og velferðarmálin. Til að sinna einhverju öðru.

Ég vil því fara þess á leit við hæstvirtan forseta að óundirbúnar fyrirspurnir, með einhverjum af leiðtogum ríkisstjórnarflokkanna, verði settar á dagskrá síðar í vikunni. “

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Hrós Sigmundar Davíðs endaði með deilum

Hrós Sigmundar Davíðs endaði með deilum
Eyjan
Fyrir 3 dögum

Skýtur föstum skotum á Ásdísi vegna framgöngu hennar sem hafi laskað orðspor bæjarins – „Hlutir hafa verið keyrðir áfram af áberandi blindu og vanhæfni“

Skýtur föstum skotum á Ásdísi vegna framgöngu hennar sem hafi laskað orðspor bæjarins – „Hlutir hafa verið keyrðir áfram af áberandi blindu og vanhæfni“
Eyjan
Fyrir 3 dögum

Mikil ásókn í læknadeild – 238 keppa um 60 sæti

Mikil ásókn í læknadeild – 238 keppa um 60 sæti
Eyjan
Fyrir 3 dögum

Eva Ýr nýr mannauðsstjóri Alvotech

Eva Ýr nýr mannauðsstjóri Alvotech
Eyjan
Fyrir 4 dögum

Varaborgarfulltrúi segir flugvallarsinna fara gegn eigin tillögum

Varaborgarfulltrúi segir flugvallarsinna fara gegn eigin tillögum