Ásthild­ur Lóa Þórs­dótt­ir, þingmaður Flokks fólks­ins og eig­inmaður henn­ar, Hafþór Ólafs­son hafa falið lögmanni sínum, Sævari Þór Jónssyni, að krefja íslenska ríkið um skaðabæt­ur vegna meintra lög­brota sýslu­manns­ins á höfuðborg­ar­svæðinu. Í fréttatilkynningu vegna málsins saka hjónin sýslu­mann um að hafa ekki sinnt lög­bundn­um skyld­um sín­um. Rík­is­lög­manni hefur verið gert grein fyr­ir mál­inu.

Hjónin misstu heimili sitt á uppboði árið 2017 og hafa síðan staðið í málarekstri vegna þess fyrir dómstólum án þess að fá úrlausn sinna mála.

„Mála­vext­ir eru þeir að þrátt fyr­ir ábend­ing­ar, sinnti sýslumaður ekki lög­bundn­um skyld­um sín­um við út­hlut­un sölu­verðs eft­ir upp­boð á heim­ili okk­ar. Þar bar sýslu­manni lög­um sam­kvæmt að taka til­lit til fyrn­ing­ar vaxta. Það var ekki gert og fyr­ir vikið út­hlutaði sýslumaður Ari­on banka hærri fjár­hæð en bank­inn átti til­kall til lög­um sam­kvæmt, á kostnað okk­ar hjóna. Í nær tveggja ára mála­ferl­um okk­ar við Ari­on banka vegna þessa, þar sem öll réttar­úr­ræði voru tæmd, fékkst aldrei úr­sk­urður dóm­stóla um fyrn­ingu vaxta, sem þó var eina máls­ástæðan. Eng­in úr­sk­urður er í raun sig­ur fyr­ir bank­ann,“ seg­ir í til­kynn­ingu hjón­anna.

Telja Ásthildur og Hafþór að þau hafi ekki hlotið rétt­láta málsmeðferð. Vegna meðvitaðrar ákvörðunar sýslumanns um að sinna ekki lagaskyldu sinni hafi 10,6 milljónir króna runnið til Arionbanka en ekki til hjónanna.

Ásthildur Lóa var kjörin á þing fyrir Flokks fólksins árið 2021 en hún fór fram í Suðurkjördæmi.