„Eins og ég væri að stanga vegg í hverjum einasta mánuði,“segir Ingibjörg Sólrún Gíslasdóttir um árin sín í Borgarsjórn með Davíð Oddssyni.
Ingibjörg Sólrún var borgarfulltrúi og borgarstjóri fyrir Kvennalistann. fór á þing fyrir Kvennalistann, leiddi síðan sameininguna við Samfylkinguna, var formaður Samfylkingarinnar og utanríkisráðherra en í dag er hún framkvæmdastjóri UN Women í Evrópu.
Ingibjörg er í viðtali við Ásdísi Olsen á Hringbraut í kvöld þar sem hún ræðir um árin sín í Kvennalistanum og hvað það var tilfinningalega erfitt að ráðast til atlögu við feðraveldið. Aðspurð segist hún gjarnan vilja gefa 28 ára Ingibjörgu Sólrúnu klapp á bakið og stuðning þegar hún hugsar til baka. Hún hefði svo sannarlega þurft á því að halda á sínum tíma.
Í þættinum í kvöld er sýnt frá merkilegum stofnfundi Kvennalistans á Hótel Borg þar sem húsfyllir varð öllum að óvörum, en hundruðir íslenskra kvenna úr öllum hópum mættu til að taka þátt í stofnfundi Kvennalistans. Einnig er sýnt frá uppistandi Davíðs Oddssonar þegar hann óskaði sér að hafa fegurardrottningar í borgarstjórn frekar en Kvennalistakonur.
Aðspurð um vinnu sína í borgarstjórn með Davíði Oddssyni, fyrrverandi borgarstjóra og núverandi ritstjóra Morgunblaðsins, sagði Ingibjörg:
„Sko þetta var mjög sérstakt og ég sagði stundum við fólk að mér fannst, sko þessi ár sem ég var þarna, eins og ég væri að stanga vegg í hverjum einasta mánuði – það voru borgarstjórnarfundirnir. Þetta var mjög erfitt. Þetta var ofsalega svona tilfinningalega erfitt að mörgu leyti því þetta var svo mikill slagur – harður slagur- og maður fékk engu framgengt. Þannig þetta var bara eins og að stanga vegg.“
Ingibjörg telur enn mikla þörf fyrir femínískan stuðningi við konur í íslensku samfélagi og að enn sé langt í land að kvennastéttir njóti réttlátra kjara.
Undir yfirborðið er á Hringbraut í kvöld kl. 20
Sjá einnig á síðu þáttarins