Morgunblaðið skýrir frá þessu og hefur eftir Eyjólfi Árna Rafnssyni, formanni Samtaka atvinnulífsins, að mikilvægt sé að ná verðbólgunni niður áður en hafist verður handa við kjarasamningsgerð að ári. Til þess að það takist, þurfi breiða samstöðu.
Hann sagðist telja það mikla einföldum að varpa allri sök á verðbólgunni á verðhækkanir verslana. Heildarhlutur hennar í verðmyndun vöru á markaði sé aðeins fimmtungur af heildinni.
Reiknað er með að Seðlabankinn hækki stýrivexti í vikunni en þeir eru nú 6,5%. Eyjólfur sagði að fyrirtækin finni vel fyrir þessu og líklegt sé að það hægi á fjárfestingum á næstunni enda sé leikurinn að hluta til þess gerður að svo fari.
Hann sagði að þetta geti þýtt að það hægist á húsnæðismarkaðnum og minna verði byggt. Samt sem áður sé mikil þörf á mikilli uppbyggingu íbúðarhúsnæðis á næstu árum. Þörfin sé svo mikil að hún skipti miklu fyrir framvindu efnahagsmála í landinu.