Guðrún Hafsteinsdóttir dómsmálaráðherra birtir grein í Morgunblaðinu í dag þar sem hún vill hrekja rangar fullyrðingar um útlendingamál að undanförnu. Guðrún segir skilríkjaleysi ekki leiða til þess að þjónusta sé felld niður við hælisleitendur ef þeir sýna stjórnvöldum samstarfsvilja:

„Full­yrt er í umræðunni að fólk sem get­ur ekki út­vegað sér skil­ríki sé svipt þjón­ustu. Þetta er rangt. Ef ómögu­legt er að út­vega viðkom­andi skil­ríki af ástæðum sem ekki er hægt að kenna viðkom­andi ein­stak­lingi um, þá er þjón­usta ekki felld niður. Þjón­usta er ein­göngu felld niður hjá þeim sem ekki sýna neinn vilja til sam­starfs við yf­ir­völd um að út­vega ferðaskil­ríki.“

Þá segir Guðrún það ranghermi, sem haldið hefur verið fram, að skortur á gagnkvæmum samningum við erlend ríki komi í veg fyrir að hægt sé að útvega fólki skilríki:

„Hið rétta er að end­ur­viðtöku­samn­ing­ar eru ekki for­senda þess að hægt sé að afla skil­ríkja. Það eina sem kem­ur í veg fyr­ir að út­veguð séu skil­ríki er skort­ur á sam­vinnu viðkom­andi ein­stak­lings. Eng­inn sem er reiðubú­inn til að vinna með yf­ir­völd­um að lög­mætri niður­stöðu og þar með brott­för frá land­inu er svipt­ur þjón­ustu. Eina fólkið sem svipt er þjón­ustu 30 dög­um eft­ir end­an­lega synj­un eru þau sem neita að hlíta lög­legri ákvörðun stjórn­valda og vilja ekki vinna með yf­ir­völd­um að lög­mætri og réttri niður­stöðu sem er brott­för frá land­inu.“

Guðrún bendir á að með lögum skuli land byggja og allir þurfi að fara að lögum. „Það gild­ir einnig um ein­stak­linga sem hér eru í ólög­mætri dvöl. Þeim ber að fara að lög­um.“